Bolseiru 50 Sei Ba Estudu Iha Xina

Bolseiru 50 Sei Ba Estudu Iha Xina

- in Edukasaun
3431
0
PJR_PD

DILI – Eis Primeira Dama Timor Leste, Isabel Ferreira halo enkontru ho Ministeriu Edukasaun e  Kultura (MEK), liu husi Gabinete Koordenasaun E Apoiu Aos Estudantes, avalia dokumentus bolseirus ba Xina nain hamutuk 50, maibe husi parte bolseirus rasik la hatene lian Inglesh no dokumentus balun la kompletu.

Enkontru entre eis primeira dama TL, Isabel Ferreira no gabinete koordenasaun e apoiu aos estudantes, inklui bolseiru sira nee halao iha salaun konferensia Ministeriu Edukasaun e Kultura (MEK), Vila Verde Dili.

Hafoin enkontru, ba jornalista, eis Primeira dama TL, Isabel Ferreira, enkontru ida ohin hamutuk ho gabinete bolseiru husi Ministeriu Edukasaun e Kultura (MEK), nian hodi halo preparasaun ba bolseiru sira atu ba iha Xina, bolseiru sira nee atu ba estuda iha area tekniku vokasional, tanba bolseiru ida nee, laos bolseiru foun, maibe bolseiru ida nee sira hein durante tinan rua ba kotuk.

Isabel esplika, halo pedidu ba iha governu Xina, kuandu akompana Prezidente ba iha Xina, momentu neeba vizita mos eskola vokasional ida no gosta eskola ida nee. Ho razaun nee, husu ba governu Xina, atu bele fo apoiu bolsu estudu ba joven Timor oan sira, neebe mak atu estudu iha area tekniku vokasional. No, ho pedidu nee momentu neeba hetan resposta pozitivu husi governu Xina iha tinan 2015.

Hau hanoin iha momentu neeba, fo bolsu estudu ba estudante 26, tanba iha ita nian proposta kada Munisipiu ida feto ida mane ida, Atauro fo nain 10, husi ida nee resposta husi Xina pozitivu, hodi aumenta tan numeru bolseiru 26 ba 36, iha prosesu nian laran, resposta husi  Xina ninia mai iha  TL katak, atu aumenta tan numeru ba  45, depois  too final  hetan  50, maibe  buat nee ita hein durante tinan rua,” dehan eis Primeira dama TL Isabel ba jornalista iha  edifisiu MEK Vila-Verde, Dili, Tersa (17/10/2017).

Nia hatete, husi resposta pozitivu nee mai kedas ho area turizmu no mekanika eletronika, ida nee sujestaun husi Xina, dehan, haree realidade Timor katak, TL iha potensialidade ba area turizmu, no TL seidauk prepara ema iha area mekanika eletronika ninia. Iha Timor kampu servisu ema mai husi Indonesia no Filipina, entaun Xina rasik hakarak atu ajuda Timor, oinsa atu rezolve problema ida nee, bolseiru 50 nee, 25 iha area turizmu no 25 iha area mekanika eletronika.

Tanba nee, sei haree no prepara sira nian dokumentus, inklui sira nian koinesementu ba lian, tanba Xina husu atu prepara joven sira atu tuir kursu nee iha Xina, entaun sira dehan, lian portugues, Indonesia ka English, maibe sira hotu resposta iha tinan rua liu ba dehan katak, lian English.

Maibe, ohin ita hotu akompana, ita triste ouituan no sente laran moras ouituan, tanba nee, esforsu boot neebe mak ita halo, maibe sira rasik  seidauk prepara diak ba lian neebe sira rasik eskoilla, depois balun laiha dokumentus,”tenik Isabel.

Eis Primeira Dama TL akresenta, prosesu ida nee halo ho tempu naruk, depois Xina aseita ona, tanba nee, sei halo prosesu rigorozu oouituan ba sira mak sei halo intervista, primeiru dokumentus no pasaporte tenke prepara, tanba halo intervista nee sei liu husi embaixada Xina, bainhira iha intervista nee pasa, entaun sira bele ba, tanba tuir planu, bolseiru sira nee sei aranka iha fulan Dezembru tinan nee.

Karik sira la pasa, sira tenke simu katak, nee laos kulpa ami nian ou embaixada Xina nian, tanba sira hatene ona katak, sira atu ba tenke halo preparasaun ida neebe mak diak ba lian English, neebe sira la ba, tenke fo fali oportunidade ba joven Timor oan sira, neebe preparadu ona ho lian English no hakarak atu ba estuda iha area tekniku vokasional, tanba ida nee, hanesan oportunidade osan mean ida ba Timor, tanba nee, ita tenke priense vagas nee, no labele husik mamuk, sira ba estudu durante tinan  ida,”tenik nia.

Iha fatin hanesan asistente tekniku gabineti koordenasaun e apoiu aos estudante, Paulo Rodrigues husu ba bolseiru sira neebe mak ninia dokumentus seidauk kompletu, tenke buka halo kompletu, tanba nee, ba bolseiru sira neebe mak seidauk iha BI no sertidaun RDTL presiza buka, no fo tempu  loron rua.

Nunee mos Mateus Soares, hanesan bolseiru husi postu administrativu Atauro, nudar joventude ida neebe mak hetan oportunidade ida husi embaixada Xina, maibe nudar joven hetan oportunidade ho sentimentu ida neebe mak tristi, bainhira sira rasik ladun preparadu diak ba lian english.

“Hau nudar joven hetan oportnidade ho sentimentu ida neebe mak tristi, bainhira ami ladun preparadu diak, liu-liu konaba lian English,”Informa nia. Jacinta Sequeira

Facebook Comments

Leave a Reply

Your email address will not be published. Required fields are marked *