Bispu Basilio: Hakotu Tratadu CMATS, Parabens Ba Governu

Bispu Basilio: Hakotu Tratadu CMATS, Parabens Ba Governu

- in Nasional
462
0
dom-basilio1-615x347

DILI– Timor Leste (TL) ho Australia durante halo negosiasaun iha ona konkordansia hodi hakotu tratadu CMATS nee buat diak ida ba povu TL, tanba nee Bispu Dom Basilio do Nasimento fo parabens ba governu no negosiador Xanana Gusmao, tanba esforsu sira nia too hetan solusaun.

Tuir Bispu Dom Basilio katak konaba TL no Australia konkorda ona hakotu kontratu CMATS, prinisipiu nee Bispu la hatene, maibe buat hirak neebe Bispu lee iha jornal no rona katak desputa ka hadau malu nee kleur ona.

Maibe nee parabens ba ita nia governu tanba ho esforsu negosiador sira nia, iha nee hau hatene katak Eis Primeiru Ministru Xanana Gusmao maka negosiador, buat neebe hau lee iha jornal no too iha hau nia tilun nee, iha buat neebe fahe malu nee katak Australia hakarak difini buat nee liu husi plaka rai nia e Timor hakarak difini buat nee liu husi fronteira, neebe hau hanoin katak liu husi Direirtu internasinal katak buat fronteira nee maka sai hanesan sasukat laos plaka rai nia nee,”hateten Bispu Basilio.

Bispu mos rona informasaun Australia iha momentu ida hakarak defini dehan desputa rai klaran nee husi rai maran, mai too fronteira maritima internasional, depois dehan atu deskute deit ida klaran mamuk nee, maibe tuir informasaun neebe Bispu rona dehan tuir direitu internasional, buat neebe sai hanesan orentasaun nee maka fronteira rai.

Iha parte seluk Observador Politiku Manuel Gomes hateten TL nia politika nunka lakon iha nia kakutak, atu defende nia direitu soberania tasi, rai no lalehan. Informasaun kompletu iha STL Jornal no STL Web, edisaun Kinta (12/1/2017). Joao Anibal

Facebook Comments

Leave a Reply

Your email address will not be published. Required fields are marked *