“Kondisaun estrada ne’e hanesan kestaun ida importante ba ema hotu, no koalia konaba osan, ita iha. Tanba iha tinan-tinan sempre aprova husi Parlamentu Nasional, maibe hau nia kompanheiru Pedro Lay mak lakohi atu manda nia direitor sira, atu halao servisu ou atu prepara sasan sira uzadu hodi responde ba kestaun ne’e,” La Sama kasu lia hirak ne’e ba jornalista sira iha Uma Fukun PN, Tersa (29/03).
La Sama haktuir, loron hirak liuba, akontese maka’as iha area Distritu Manufahi. Kondisaun estrada ba Same no Ainaro hetan
estragus. Dalan dodok no kotu hotu, no kompara uluk sae kareta ho deit oras 2, maibe dadauk atu ba deit Ainaro tenki ho oras 5 (lima), sa-tan atu ba Suai, ne’e lahatene han oras hira tan. Ho kondisaun estrada hanesan ne’e, bele fo impaktu mos ba tarifa ka folin transporte atu sa’e maka’as, tanba kareta nain sira bele hasae tuir sira nia hakarak tanba deit razaun kondisaun estrada nebe’e ladun diak i bele mos transporte hotu lakohi ba distritu.
Iha parte seluk, Prezidenti Partidu KOTA, Manuel Tilman mos esplika, durante nia akompanha televizaun, jornal nomos halao fiskalizasaun iha distritu hatudu duni katak kondisaun estrada dadauk ne’e at liu, tanba jestaun nomos administrasaun husi governu ba emprezariu sira mak fraku.
“Ne’e impaktu boot ida ba komunidade sira iha baze. Tanba sa estrada kotu la haruka kedas trator ka ema atu ba soru rai rai ne’e hodi hadia kedas? Mais governu ka ministru sira husik kotu total mak foin hakfodak, ne’e signifika katak jestaun estrada inklui mos  administrasaun nebe’e fraku no laloos,“ Tilman hatete.
Kompara ho Indonesia, Tilman hatete, halo estrada ne’e tenki tein alkatraun iha estrada ninin nomos ho ekipamentus ida deit, mais emprezariu TL lae lori fali buat ida ke atu lori hu’u rai uma laran nian ne’e mai hu’u fali rai rahun iha estrada hodi tau fatuk no hanehan ho trator. Ida ne’e mak halo povu iha teritoriu Timor laran tomak hakilar tun sae.
Nune’e mos Antonio Soares dehan mos katak estrada loloos ne’e governu ka ministru atu fo projeitu ba emprezariu nebe’e mak hetan tenderizasaun tenki iha kriteria nebe’e maximu ba sira atu nune’e sira bele halo ho responsabilidade, labele hanoin atu manan deit osan.
“Tanba ne’e hau husu bainhira atu servisu ba rai ida ne’e hatudu uitoan nasionalismu ho razaun katak preszja halo ho formas nebe’e hodi alkansa ita nia objetivu katak adeus konflitu, benvindo dezemvolvimentu,” tenik Antonio. Elo

• Tweet
• Share

---