“ Hau senti laiha razaun osan laiha, atu sosa mina, tanba Parlamentu Nasional nee mos aprova tiha ona osan barak nebee ho montante boot ba Sekretariu Estadu Elektricidade nebee inklui mos ba sosa mina ba EDTL,” hatete Prezidenti La Sama liu husi sesaun plenaria, Segunda (27/3) iha Parlametnu Nasional.
Preokupasaun Prezidenti La Sama nian nee hodi responde ba deklarasaun deputadu Adriano Joao bankada PD nebee hatete katak agora iha Sub-distritu Lolotoe, Distritu Bobonaro eletricidade la lakan.
Nebee hatete deputadu Adriano katak informasuan nebe nia hetan husi Xefi Suku Lolotoe katak governu labele lori mina to Lolotoe tanba Estrada aat, mesmu Xefi suku nee kontinua ejiji bebeik maibe razaun hanesan hela deit.
“Maibe, nudar deputadu hau hakrak hatete deit katak, mesmu dalan aat maibe govenru tenke esforsu hodi lori mina ba Lolotoe tanba osan barak maka aprova ona, nebe laiha razaun hodi dehan mina laiha ka estrada aat hodi impede EDTL la lori mina ba Lolotoe,” deklara deputadu Adriano.
Liafuan hanesan mos hatete husi deputadu Aderito Hugo bankada CNRT katak problema Estrada nebee aat no kotu sai mos preokupasaun ba EDTL tanba labele lori mina ba to Distritu no impaktu maka ahi eletricidade iha Distritu sei kontinua mate.
Parte seluk deputadu Inacio Moreira liu husi sesaun plenaria sempre kestiona konaba problema eletricidade. Tuir deputadu Inacio katak governu AMP sempre fo sira ninia esplikasaun katak elektricidade sei lakan 24 oras. Maibe realidade hatudu katak to agora mos ahi eleitricidade kontinua mate lakan hela deit.
Nia hatutan, durante tinan tulu Total orsamentu ba EDTL nee boot maibe rezultadu mak ne’e ahi kontinua mate lakan too ohin loron.
Maibe tuir Prezidente Komisaun G Pedro da Costa hatete katak problema Eletrisidade atu moris nee depende kontribusaun ema hotu nian no poupasaun makina ou zerador foun, maibe kuandu populasaun uza eletrisidade la ho kuidadu no halo lidasaun ilegais bele provoka sirkuit no bele kria eletrisidade mate lakan.
Tanba nee, hatete deputadu Pedro katak atu gatente eletrisidade labele mate populasaun tenki uza kreditu distritubusaun iha linã transferensia foun nebe iha sei garantia ahi sei lamate mate tan hanesan agora maibe ema hotu tenki iha konsiensia. Arm

• Tweet
• Share

---