Povu  balu iha posibel balu laiha possible, nunee iha diferensia ba vida moris, balu depois ukun konesege hadia hikas aan liu husi esforsu oin-oin, balu la bele hadia aan pur kauza laiha posibilidade.
Nunee desde tinan hirak liu ba PR Horta trasa rasik programa-programa propriu ho intensaun atu ajuda ema kiak sira, maske programa sira hanesan lolos responsabilidade governu nian laos prezidente Republika.
Programa ida hasai osan husi nia vensimentu rasik hodi fornese ba ema kiak liu husi ONG Nasional no organziasaun relijiaozu sira iha rai laran.
Maske valor osan nebe fornese husi PR Horta kiik liu kompara ema kbiit laek sira iha nasaun foun nee, asaun PR Horta nian merese atu hetan applause no ezemplar ba sira seluk atu banati tuir. Bainhira ulun boot sira hotu iha sentiment ida hanesan PR Horta hodi sai aman ba povu ai leba sira, dala ruma TL la kleur tan bele kore aan husi kiak. Tanba hotu-hotu konsentra oinsa hadia povu nia moris laos habisu aan deit.
Prezidenti Republika, Jose Ramos Horta, hatete tinan-tinan nia sempre intrega  salariu ho montante U$ 21.000.00 ba ema sira iha Nasaun ne’e ho objetivu atu ajuda populasaun ne’ebe moris kiak no mukit.
Maske ajudasaun nee fornese liu husi organizasaun Non Govermental sira ne’ebe halao knar iha area kombate kiak, maibe asaun PR Horta nian hatudu ezemplu diak nudar aman Nasaun nee nian. “Intensaun Prezidente ne’e nudar ezemplu diak nebe ukun nain sira iha rai nee atu banati tuir. Se sira hanoin katak ukun nee povu mak fo, sira ukun atu tau matan ba povu, laos ba familia sa tan baa an rasik,” hatete Sisto Fernandes (Juventude Aldeia Metin I, Bebonuk) ba STL Segunda (28/3).
 Nia hatete iha mundu nee hanoin hanesan PR Horta ituan deit, barak liu hanoin baa an no familia, ukun ba sira hanesan oportunidade ida hodi hariku aan, hametin sira nia familia hodi halakon tiha valor demokrasia nebe buras daudauk iha nasaun foun nee.
Sisto husu ba PR Horta, atu kontinua probgrama nebe halao tiha ona hodi liberta povu rai nee husi kiak no mukit. “Se uluk PR Horta hamotuk ho Xavier, Alkatiri asuwain sira seluk hakarak luta liberta patria, agora tenke liberta mos povu. Labele liberta patria depois husik povu kontinua moris iha new colonial nia okos.
Sebastiao Marques, (Estudante) konsidera programa PR Horta nian ba povu ai leba sira diak tebes, tanba nee tenke hetan apoiu husi entidade sira seluk iha rai nee inklui imprezariu sira.
Nune’e mos, nia parte fo votu konfiansa ba PR Horta atu kontinua sai aman nasaun ba periodu nee tan hodi kandidatu aan nudar prezidente republic iha eleisaun jeral 2012. “Hau fiar  povu sei apoiu Horta ba Prezidente,” tenik Sebastiao.
Gregoriu Martinho Nunes, fo nia apoiu tomak ba PR Horta wainhira   intersante atu aprezenta nia kandidatura hanesan Prezidente Republika iha eleisaun prezidensial 2012.elo

• Tweet
• Share

---