Iha tinan 2010, sira sente folin fos sei kman. Hanesan fos governu marka MTCI ne’ebe distribui ba distritu no sub distritu, karon ida sei fa’an ho folin $12.00 kada saka. Sira sente sei diak. Mais agora ne’e todan liu. Liliu ba sira ne’ebe iha to’os kafe maibe kafe lafuan. Sira terus teb-tebes. Balu kalan loron han deit ho  afarina. Nunee Xefi Aldeia Burobu Celbester Martins ba STL bainhira partisipa iha reajustamentu no konsolidadsaun PSD iha Suku Leimea Sorin Balu, Domingu (13/3). Ho situasaun alimentar ladun diak ne’e, Martins husu ba governu para buka meus hodi ajuda povu. See governu la distribui fos MTCI, fa’an hanesan iha tinan 2010, maka povu barak sei hasoru hamlaha.
Iha fatin hanesan hatutantan husi Xefi Aldeia Leodato Domingos dos Santos, hateten katak oras ne’e komunidade sira halerik fos Globus ne’ebe folin karun liu kakorok talin, tanba fos globus faan iha Letefoho 25 kg U$18.00-, selu kareta to’o ne’eba U$20.00-, nune’e halo komunidade sira laiha kbiit atu sosa fos, oras komunidade sira loron kalan moris deit ho aifarina, maibe kuitadu susar liu mak labarik kiik oan sira, tanba sira latoman han aifarina loron kaln, nia salenta.
Ho problema hirak ne’e sira husu ba governu liu-liu ba MTCI atu aloka fos MTCI faan to’o suku no Aldeia, hodi antisipa ba povu ne’ebe hasoru amiasa hamlaha, tanba impaktu husi mudansa klimatik halo produsaun aihan laiha, laos ba aihan deit, maibe produsaun kafe mos balun fuan laiha, tanba maoria komunidade sira iha ne’e moris ho kafe, maibe kafe fuan laiha konsertesa amiasa hamlaha bo’ot, Domingos salenta.
Hatan problema hirak ne’e Xefi Suku Leimea Sorin balo Evatrsto Soares Martins, hateten katak los duni buat ne’ebe mak Xefi Aldeia sira hato’o, tanba loron kalan sira mak moris hamutuk ho povu, tanba tinan ida ne’e hahan laiha hanesan batar laiha tinan kotuk sei iha, maibe agora laiha kafe mos tinan ida ne’e lafuan, tanba impaktu husi mudansa klimatika udan makaas liu estrga hotu kafe nia fuan, Evaresto hateten.
Evaresto, sublinatan katak ho problema hirak ne’e tinan ida ne’e povu sei hasoru amiasa hamlaha, tanba hahan laiha, atu antisipa povu hasoru amiasa hamlaha karak ka lakohi governu liu husi MTSC no MSS tenki distribui fos MTCI ba faan to’o Suku no Aldeia sira. Nune’e povu aileba sira ne’ebe kbiit laek bele sosa netik fos ne’e hodi aguenta sira nia moris, tanba oras ne’e sira sei aguenta hela ho afarina talas no aifuan sira seluk hirak hotu on abele sai problema bo’ot ba povu sira nia moris, Xefi Suku salenta.
Responde preokupasaun hirak ne’e Vice Prezidente PSD Aktual Ministru Ekonomia Dezemvolvimentu (MED) Joao Mendes Goncalves, hateten katak atu antisipa amiasa hamlaha ba komunidade sira mak loron Sabadu (12/3) liuba “ami halo reniaun ou enkontru estraordinario ho konselho Ministru oinsa atu fo importansia hodi antisipa komunidade hasoru amiasa hamlaha, nune’e “hau rasik koalia ba konselho Ministru atu kontinu distribui faan fos MTCI ba komunidade sira, Joao salenta. gus

• Tweet
• Share

---