Oras ne’e komunidade Suku Bubusu hasoru risku hamlaha, tanba impaktu husi udan kuaze tinan ida nia laran halo povu agrikultura barak mak lahalo to’os, nunemos udan estrga aifuan barak hanesan aifarina, avokat, fuan laiha inklui mos kafe no aifuan sira seluk.
Informasaun hirak ne’e hato’o husi Xefi Suku Bubusu Francisco Amaral, no Joventu Bubusu Filis da Costa Soares bainhira dada lia ho STL iha Merkadu lama Dili Tersa (22/3), sira nain rua salenta liutan katak oras ne’e komunidade sira iha Suku ne’ebe refere aguenta deit han kalan loron ho aifuan hanesan  aifarina talas, kontas, no aihan sira seluk, maibe labarik oan sira mak araska, sira salenta.
Hanhan ba larik sira araska liu, tanba sira latoma han aifarina, talas no kontas loron lakan, tanba kafe 2010 fuan laiha, nunemos kafe 2011 ne’emos fuan laiha, komunidade sira laiha kbiit ou osan laiha atu mai sosa fos globus iha Merkadu Same, tanba fos globus iha Merkadu Same 25 kg impresario sira faan ho folin U$18.00-, ou dala ruma U$20.00-, nune’e halo komunidade sira laiha kbiit atu sosa fos, sira salenta.
Ho problema sira ne’e sira husu ba governu liu husi MTCI no MSS oinsa atu fo importansia ba problema hirak ne’e. liu-liu ba MTCI atu distribui fos MTCI faan to’o suku sira hanesan uluk, nune’e bele  protese ba povu hasoru risku hamlaha, sira nain rua salenta.
Iha fatin seluk hatutantan husi Xefi Aldeia Burobu Suku Leimea Sorin balo Sub-Distritu Haolia, Ermera Celvester Martins, hateten katak komunidade sira iha Aldeia no Suku ne’ebe refere maioria moris ho kafe, maibe tinan ida ne’e kafe ladua fuan, nia salenta.
Nia salenta liutan katak oras ne’e komunidade sira hasoru hamlaha kalan loron han deit afarina, maibe koitadu susar liu labarik sira, tanba sira latoman han aifarina klan loron,  2010 udan makaas liu halo batar laiha, no 2010 mmos hanesan, kafe mos fuan ladiaktan oras ne’e povu aileba sira hamlaha bo’ot, Celvester salenta.
Hatan ba problema sira ne’e Xefi Suku Leimea Sorin balo, Evaresto Soares Martins, hateten katak los duni buat ne’ebe mak Xefi Aldeia sira hateten, tanba 2010 udan la fo fatin ba povu agrikultura sira atu halo to’os, nune’e tinan ida ne’e batar laiha, kafe mos fuan ladun diak, oras ne’e povu aileba sira aguenta deit ho afarina, talas, kontas, no aihan sira seluk, lahatene’e aihan sira hotu atu aguentatan ho aihan saida? Ho problema hirak ne’e husu ba governu liu-liu ba Ministeriu Turismo Comersio atu distribui fos MTCI faan to’o Suku sira hanesan uluk, nune’e komunidade sira be’e sosa netin hodi aguenta sira nia moris, tanba foa  globus sira laiha kbiit atu sosa, Evaresto salenta. gus

• Tweet
• Share

---