Prezidenti Komisuan E PN, deputadu Osorio Florindo hatete ba STL iha uma fukun PN, Dili, Kuarta (23/2) katak bazeia ba audensia nebee Komisaun E halo ho emprezariu nasional sira  deklara katak sira (emprezariu nasional)  la hasae folin fos, maibe emprezariu eceran sira maka halimar ho folin fos.
“Emprezariu nasional sira mos senti tristi kuandu haree sira nian fos ho marka A-3, Globus ho Kuda Ulun iha dalan ninin emprezariu eceran sira faan ho folin U$20 to’o U$25. Tuir lolos folin fos nee faan  ho 30 kg ho folin U$18  no 25 kg ho folin U$15,” hatete deputadu Osorio.
Tuir deputadu Osorio mos katak folin fos sae nee impkatu mos  husi roo nebee tula fos labele tama tanba roo barak maka sei para hela iha portu dili, ho nunee tuir kriteria nebee iha Alfandega roo nebee tama uluk maka tenke sobu uluk no sira seluk tenke hein.
Maibe liu husi reuinuan nebee halo ho MTCI, hatete deputadu Osorio katak Komisuan E sujere ba MTCI, atu atende uluk necesidade baziku povu ninian, ho nunee kuandu roo nebee maka tula fos nee tama ikus, maka MTCI tenke servisu hamutuk ho Alfandega para bele haruka roo nebee tula fos bele tama uluk hodi nunee bele atende nesecidade baziku povu ninian.
Konaba presu folin fos rasik, hatete deputadu Osorio katak ekipa MTCI liu husi reuniaun deklara mos katak to agora sira  seidauk iha lei ida hodi regula ema sira nebee maka faan fos fo presu karun, tanba MTCI sei halo rejime juridiku ida atu regula presu fos.
Kuandu regulametnu nee iha ona, hatete deputadu Osorio katak tuir ekipa MTCI sira dehan nee ema hotu bele faan fos maibe kuandu halimar ho presu fos nebee determina tiha ona iha dekretu lei nee MTCI iha ona baze legal para polisia bele ba prende fos nebee emprezariu sira hasae ninia folin.
Liafuan hanesan, haforsa husi membru deputuda Virginia Ana Bello nebee nudar mos membru Komisaun E PN katak bazeia ba informnasuan nebee maka hetan husi emprezariu nasional sira nebee importa fos mai katak folin fos nebee sira faan normal hela, maibe empreza eceran sira seluk nebee maka faan tutan maka hasae folin fos.
Tuir deputada Virginia katak emprezariu lokal sira dehan sira faan fos ho 30 kg ho folin U$18  no 25 kg ho folin U$15 maibe derepente deit empreza eceran sira nebee maka faan tutan nee maka hasae fos folin husi U$20 to’o U$25.
Deputada Virginia mos hatete katak problema fos sae nee mos impaktu husi roo nebee tula fos labele tama lalais tanba roo barak maka para hela iha portu Dili. Tanba nee, Komisuan E mos hasoru malu tiha ona ho ekipa task forse  husi Ministeriu Turismu Komersiu Industria (MTCI), nebee fokus haree ba folin fos iha timor laran tomak.
Ho nunee, hatete deputada Virginia katak  momentu hasoru malu ho ekipa task force MTCI komisuan E mos sujere ba MTCI para kria kondisaun ba empreza sira iha dalan ninin nebee faan fos. Ho nunee governu tenke haree, kuandu empreza nebee faan fos laiha kondisuan diak liu lalika fo izin ba sira atu faan fos.
Iha parte seluk mos, tuir Deputadu Domingos Canossa C. Mesquita (Bankada PUN), hateten katak durante ne’e fos maka sai preokupasaun bo’ot ba ita hotu iha pais ida ne’e. Fos nebe sae, konserteza katak Domingos ema funsionariu sira nia selariu sira nebe tun ne’e bele labele kobre nesiesidade baziku fos. No nia mos deham ta katak ema sira nebe fa’an fos ne’e tenki fa’an a’as tanba vendedor sira mos presija atu hola fali nesiesidade sira seluk.
Entretantu Deputadu Domingos da Costa Bankada ASDT, hateten katak kestaun folin fos sai preokupasaun ema hot-hotu ninian mais sidauk iha lei ida atu regula ema hodi fa’an tanba agora ne’e ema fa’an tuir ida-idak nia gostu deit. “ Sidauk iha lei ida atu regula hodi ema fa’an tanba agora ne’e ema ida-idak fa’an tuir nia gostu deit,” tenik Domingos.
Komisaun D ho E Parlamentu Nasional (PN), rasik iha loron 16 Fevereiru liu ba nee  halo audensia ho emprezariu loja nain nebe fa’an fos ho marka MTCI nian nomos halao audensia ho ekipa tsk force MTCI para bele grantia fos ninia folin iha merkadoria. arm

• Tweet
• Share

---