“KAK la konsege kaer koruptor  ida iha tinan ida nia laran, KAK mos la konsege lori koruptor ida ba tribunal durante tinan ida nia laran,” katak Direitor LABEH, Cristopher Hendry liu husi komunikadu ne’ebe STL simu iha Tersa (22/02).
Tuir Cristopher, aat  liu tan KAK la konsege prepara planu estratéjiku nasional  hodi luta hasoru korupsaun ida ne’ebé bele involve ema hotu nia luta iha area korupsaun, hanesan lia fuan ne’ebé komisáriu KAK  deklara iha tomada de posse katak atu kombate  korupsaun, tenki sai Movimentu Nasional  ne’ebé entidade husi parte hotu-hotu  hamutuk hodi luta hasoru korupsaun no  KAK mak hanesan Instituisaun ida ne’ebé hamrik iha oin atu kombate  korupsaun  maibé presiza apoiu husi parte hotu-hotu tenki hamutuk atu kombate korupsaun.
“Monitorizasaun ne’ebé  LABEH halo katak, KAK taka an demais ba públiku liu-liu  media sira. Instituisaun KAK tenki nakloke ba públiku atu públiku  bele hatene kona-ba sira nia servisu, difikuladades, hodi nune’e povu  bele  fo suporta moral,  maibé se KAK la nakloke ba públiku hodi sadere deit ba polítiku governu nian, LABEH bele  hatutan  fali lia fuan ne’ebé mak  povu  sira hatete  katak KAK  hanesan  kawan amankan kawan,” hateten iha Komunikadu nee.
LABEH mos ejiji  ba KAK atu halo servisu ne’ebé ultrapasa   povu nia hanoin hodi fo fiar ba povu katak KAK hamrik duni iha oin  hodi luta hasoru korupsaun maibé iha tinan ida nia laran KAK la halo no laiha servisu ida mak bele ultrapassa ema nia hanoin  kona-ba KAK nia papel luta hasoru korupsaun. 
Númeru  kazu ne’ebé mak KAK  simu iha tinan ida to’o ohin loron  lahetan rezultadu,  signifika katak povu seidauk fo fiar  metin ba KAK  hodi hato’o kazu inklui mos LABEH seidauk hato’o kazu  direitamente ba KAK tanba LABEH hare katak KAK seidauk prontu lolós atu luta hasoru korupsaun  no Komisáriu rasik mak hatete katak KAK laos ONG tanba ne’e  servisu ne’ebé KAK halo ne’e segredu.
LABEH kontinua fo suporta ba KAK oin  sa atu kombate korupsaun para hetan fiar husi   povu katak komitmentu go ver nu  no estadu  iha luta hasoru korupsaun  laos deit atu  hari KAK maibé ultrapassa hari KAK.
Tanba ne’e  diak  liu KAK aprezenta  ona estratéjiku nasional tuir lei haruka para ema hotu bele hatene KAK nia involvimentu iha movimentu luta hasoru korupsaun tanba se wainhira korupsaun ejiste nafatin iha rai laran, povu kontinua sai vítima ba Orsamentu  ne’ebé  tuir lolós atu fo  benefisiu  ba povu no servisu KAK nian importante tebes ba povu ai leba, ukun nain  no ema  tomak.
Antes ne’e, Komisariu Komisaun Anti Korupsaun (KAK), Aderito de Jesus hatete katak kona ba prosesu kazu korupsaun, kompetensia KAK maka halo investigasaun ida klean hanesan agora dadauk invetigador sira tuir formasaun hela, maibe nia parte fiar katak sira iha kapasidade no fasilidade naton atu halo investigasaun ba kazu sira ne’ebe iha.
Alende kazu tolu ne’ebe oras ne’e dadauk KAK halo investigasaun hetan ona delegasaun husi Ministeriu Publiku, iha mos balun KAK komesa halo analiza dadaun oinsa atu bele komunika ba iha Ministeriu Publiku.
“Entaun ami iha derefensa bo’ot ida ho identidades PDHJ. Uluk PDHJ halo investigasaun deit, maibe laiha kontaktu diretamente ho Ministeriu Publiku. Ami lae, husi inisiu kedas halo investigasaun kontaktu kedas ho Ministeriu Publiku. Ida ne’e bele ajuda ita nia prosesu investigasaun,” hatete Aderito ba jornalista sira bainhira halao serimonia Planu Estratejiku iha Sentru Formasaun Joao Paulo II, Komoro, Tersa (22/2).
Iha oportunidade ida ne’e mos, Presidente Parlamentu Nasional, Fernando ‘Lasama’ Araujo   informa katak, iha tempu badak, sira sei aprova lei KAK balun ne’ebe iha relasaun ho korupsaun. Ho lei ida ne’e bele sai instrumentu ida hodi nune’e KAK bele halo nia servisu.
“Lei KAK agora iha ona iha Parlamentu, hanesan kona ba iha Money Laundry ninian. Ne’eduni antes Junho nia laran, ami bele aprova ona. Hanesan hau nia prezensa iha iha Workshop  ida ne’e, atu inkoraja Komisariu KAK ho nia Adjuntu nain rua, ho nia staf tomak atu servisu makaas liu tan atu osan ida povu nian bele too duni ba iha povu, labele maran iha dalan klaran,” hatete Lasama.
Relasiona ho asuntu ida ne’e, liu husi planu estratejiku presiza atu lori diak servisu iha KAK nian atu orienta sira ba iha ne’eba. Buat hotu ne’ebe halo tenke iha objetivu final ne’e maka atu ba hakbesik povu ba dezenvolvementu nasional.
“Hau liga buat rua kuandu iha korupsaun, maka dezenvolvementu lao ladun diak, hanesan dadauk Ban Ki Moon hatete katak korupsaun oho dezenvolvementu, hau fiar kuandu korupsaun ne’e buras ba bebeik dezenvolvementu sei dok husi povu,” nia tenik.
Nia konkorda ho sira katak buat ne’e tenke lao neneik tenki liu husi treinu no forma ema sira ne’e ho diak hatene didiak kona ba iha investigasaun no administrasaun didiak para hanesan asu ida karik husik ba tata kedas.
Iha oportunidade ida ne’e, Vise Ministru Finasans, Rui Hanjam iha nia deskursu mos koalia kona ba Planu Estratejiku Dezenvolvementu Nasional no mos fundus especial iha orsa mentu tinan fiskal 2011 nian. Pri

• Tweet
• Share

---