“Atu klarifika deit ezekusaun orsamentu ba fundu Pobreza iha gabinte Prezidente da Republika nian, tamba deputadu barak mak kestiona osan nebe tau iha gabinete prezidente fundu pubreza nian nebe dehan atu halo uma 70, maibe informasaun husi Asesor, uma nebe halo buka tuir mos lahetan,” Prezidente komisaun E Osorio Florindo Costa kasu lia ne’e ba Jornalista iha PN Kinta (24/2).
Nia hatutan, uma nebe halo tuir dadus iha uma 70, uma 2 iha Alas hetan no husi uma 66 la konsege hatama relatoriu ba komisaun, meske oras ne’e foin halo relatoriu 31, tamba ne’e  komisaun husu dadus no imformasaun husi parte kompetente.
Iha fatin henesan Maria Rosa da Camara  hatete, Orsamentu ba sosiedade sivil ninia gasta la tuir ninia dalan, tamba iha  imformasaun katak la justu, ne’e mak komisaun E marka audensia  ho governu atu mai halo klarifikasaun .
Entertantu Asesor PM ba Asuntu Sosiedade Sivil Joaquim Dos Santos  Hatete, Deputadu sira husi komisaun E konvida atu fo imformasaun, relasaun ho ezekusaun fundu sosiedade sivil iha tinan 2010 nian, no  enkontru ne’e mos fo informasaun iha juszestaun, nebe mak suzere husi deputadu sira  atu hadia kriteria nebe mak iha, atu bele atende organizasaun sosiedade sivil hotu.
Nia hatutan, orsamentu ba prezidente nian iha tinan 2010  miliaun 1, no  total fundus sosiedade sivil iha tinan 2010  nian miliaun 10.650, kuaze ezekuta to’o hotu 98 %  no 2011 ba sosiedade sivil  miliaun 8.800 dolar. Timotio Soares

• Tweet
• Share

---