Ho nunee iha Kuarta (26/1), komunidade kompostu husi ema lubuk ida hakat ba repartisaunh Provedoria de diretus humanus no justisa (PDHJ) hodi hato  keixa nebeiha relasaun ho utitilizasaun forsa hasai komunidade husi uma nebe sira okupa desde 1999 liu ba.
Prezensa deslokadu foun vitima konstrusaun kazerna BOP nee, simu direita  husi Provedor Direitu Humanu Justisa  iha nia servisu fatin Kaikoli Dili.
“Ita boot sira akompania PDHJ nia fatin laos deit simu keixa. Maibe simu mos refujiadu, ne’e ami nia knar duni atu simu ema nia keixas. Maibe ema laos mai hatoo keixas deit sira lori hotu kulisaun,  sasan sira hotu, husi Bairo Pite,  tama hotu  iha  PDHJ,” hatete Provedor Sebastão Dias Ximenes ba jornalista Kuarta (26/1) iha PN.
Provedor Sebastão, informa ona kazu nee wainhira hasoru   ho Primeiru Ministru iha  debate Orsamentu Jeral do Estadu (OJE) 2011. Primeiru Ministru  katak Sebastiao, haruka ona Ministra Justisa  hamutuk ho PDHJ hodi  halo dialogu ho  komunidade eis brimob. “Infelismente ami lori sira atu hatama provizoriamente iha Karantina too iha nebe ita nia maluk sira husi karantina la husik ita nia maluk sira husi Brimob tama. Maibe ohin hau hasoru  tiha ona ho Vice Ministro MJ,  hau fo informa ba sira atu koalia ho ema sira nebe hela iha Carantina, tamba fatin neba ba timor oan tomak,” dehan Sebastão.
Ministra Justisa katak Sebastiao,  sei  kopera no halo koordenasaun ho Ministra  Solidaridade Sosial atu bele fo apoiu asistensia humanitaria orjenti ba komudade i brimob, tamba komunidade hirak nee nudar sidadaun Timor Leste iha direitu atu moris, tanba ne’e oinsa  membru  governu sira bele kordena malu atu fo apoiu ba maluk sira ne’e.
Komunidade haktuir PDHJ, Sebastião, kestiona politika governu  hasai sira husi uma nebe sira hela desde 1999 ho rekoperasaun nebe la razoabel. “Bele hasai. Maibe tenke fo apoiu ruma ba sira labele ba hasai deit hanesan ne’e,  tamba ne’e mak sira ba hato keisa mai ami. Maibe laos deit hato keixa, sira  lulun  hotu sasan  ba iha PDHJ,” komenta Provedor nee.
Ba kazu nee katak Sebastiao, PDHJ sei sa hanesan mediador hodi  bolu parte  governu hanesan ministra  justisa  hodi presta informasaun konaba kazu nee, nunee mos sei husu MSS atu  ajuda  komunidade sira ho dignidade.
Iha fatin hanesan Ministra  Solidaridade Sosial (MSS), Maria Domingas Alves,  informa katak, MSS sei fo ajuda humanitariu  ba komudade eis brimob nebe foin hetan kastigu husi ministeriu justisa foin daudauk nee. “ Tuir desizaun ministra justisa nian ba karentina durante loron tolu, ami fo i lona no  ajuda   fos, tanba laiha buat seluk.” mj2

• Tweet
• Share

---