Asidente, premeiru akontese iha loron 23 Dezembru, kareta Land Cruiser ho numeru Matrikula, 13. 263 monu iha area Hera, bainhira mai husi diresaun Manauto. Kondutor maka, Domigos Lopes. Akontesementu ne’e rezulta kondutor Domingos Lopes mate iha fatin no pasajeiru, David Soares  tenki hetan tratamentu iha Hospital Nasional Guido Valadares (HNGV), Dili.
Adjuntu Direitor Tranzitu Nasional, Inspetor Valente Soares da Silva ba jurnalista iha nia servisu fatin Kaikoli, Dili, Tersa (28/12), katak kareta Land Cruiser mai husi diresaun Manatuto ho ema nain 3 inklui kondutor. Bainhira to’o iha area Hera kondutor matan dukur, depois nia hakfodak kareta baku fila, kondutor mate iha fatin, seluk to’o iha Ospital mak mate.
Iha loron 26, mikrolet (10) diresaun Tasitolu Bidau, ho numeru matrikula 31.313, baku fila iha area Merkado Komoro, besik Bom Bensin Belak Fuel, tamba laiha kontrola a’an, pasajeirus barak maka tabele iha kareta. Kondutor maka Paulino da Costa, hela iha tasi tolu.
Kareta ne’e baku fila, nain ida mate, agora tau hela iha Mortuariu HNGV, seidauk identifika no nain 4 kanek todan, nain 5 seluk sei trauma hela ho akontesementu ne’e. Oscar Salsinha  

• Tweet
• Share

---