“Sira hatete katak Portugal Telecom la tauk atu halo kompetisaun no fo apoiu ba politika governu hodi hatama kompanha Telekom Indonezia no Digicel nebe sei halao kompetisaun ho TT,”  informa Jose Luis hafoin inkontru ho Prezidente Ejekutivu Portugal Telecom, Zeinal Bava iha Palasiu Governu Segunda (29/11).
Vice PM dehan, durante inkontru sira mos intrega rezultadu progresu servisu TT nian ba governu liu –liu sei monta redi telekomuniksaun no internet tama distritu tomak no sub-distritu sira. Nia hatutan katak, molok hatama telekomuniksaun rua ne’e mai, governu TL sei koderna mos asionista TT nian iha TL no Portugal.
Jose Luis dehan  Portugal Telecom intersante tebes ho Planu Estrateziku Dezemvolvimentu Nasional (PEDN) nebe sei hari tore eletrisidade haleu distritu 13, kompletu ho fiu eletrisidade Sup- Estasaun,  Planu Enerjia Termika,  Transmisaun Boltajen Bo’ot, Trasmisaun Boltajen Mediu,  Transmisaun Boltajen Kik no  Planu telekomunikasaun “fiber obtik” nebe sei hodi iternet no informasaun hotu iha mudu tama ba eskola no institusaun estadu tomak.
TT Hakarak Joint Hamutuk Iha PEDN
Iha fatin hanesan, Prezidente Ejekutivu Portugal Telecom, Zeinal Bava informa katak, inkontru nebe halao ho Vice PM Jose Luis hodi informa deit konaba politika TT nebe hakarak join mos iha Planu Estrateziku Dezemvolvimentu Nasional (PEDN)  konaba telekomunikasuan.
 “Ami mos hakarak join iha planu nasional iha ligasaun fiu ‘fiber obtik” hahu halo iha Dili sei to ba distritu tomak,” nia informa.
Prezidente PT Zeinal hatutan katak, oras ne’e dadauk TT mos kontinua servisu makas hodi monta nia redi telekomunikasuan iha distritu tomak hodi garantia redi kobertura internet nebe sei garantia folin baratu.
Antes ne’e Ministru Infra-estrura Pedro Lay informa katak, proposta  nebe  Telkomsel no Digicel  hatama, governu estuda ona. Maibe Ministru ne’e seidauk bele informa  bainhira maka kompanha rua bele hahu servisu. Pedro Lay dehan, ba planu telekomuniksaun lokal TL sei hahu halao iha tinan 2011-2015-2020- 2030 hodi bele atende komunidade tomak iha TL asesu ba telekomuniksaun baratu no lalais. Eugenio Pereira

• Tweet
• Share

---