“ Ne’e laos ami nia kulpa ka AECCOP nian. Tanba sira ne’ebe debe ne’e individual. AECCOP sala kuandu debe em nome asosiasaun,” deklara ministra ba STL Segunda (29/11) iha nia gabineti.
Ministra hateten, realmente emprezariu hirak ne’e halo duni dividas. Maibe, governu labele hola responsabilidade tanba debe ho individual sein kordensaun ho ministeriu.
“Ami labele duni interven atu hakotu pagamentu ba sira, tanba ami laiha konesementu ba sira nia divida ne’e,” dehan tan ministra.
Pozisaun ministra ne’e, tanba PN komisaun C konsidera laiha responsabilidade dividas husi emprezariu PPR tanba  governu halo fali pagamentu iha banku Mikro Finansas, hodi BNU no Mandiri la konsege koa dividas emprezariu nian.
Tuir dadus ne’ebe BNU ho Mandiri aprezenta ba Komisaun C katak husi BNU iha dividas hamutuk milaun U$ 40 resin maka seidauk selu no Banku Mandiri iha milaun U$6. Maibe ba kestaun ne’e, governu katak Ministra la taka matan atu pronto buka solusaun.
Kestaun hanesan reforsa husi sekretariu estadu Obras Publika Dominggos Caeiro katak, realmente tusan ne’e laos kulpa governu. Maibe governu hamutuk ho AECCOP tur hamutuk ona buka solusaun oinsa atu selu hotu tusan hirak ne’e.
“ Ami tur hamutuk ona atu buka solusaun. Tanba realmente dividas ne’e laos deit husi PPR maibe barak mos husi tinan antes,” hakotu Caeiro. Eurozia Almeida

• Tweet
• Share

---