DILI—Komandante Jeral Guarda Nasional Republika (GNR), Tanente Jeneral, Luis Nelson Pereira Dos Santos, Segunda (29/11), halo vizita especial ba iha Kuartel Jeral Polisia Nasional Timor Leste (PNTL), hodi koalia  kona ba futuru koperasaun bilateral.
Komadante Jeral PNTL, Komisariu, Longunhos Monteiro ba Jurnalista iha Kuartel Jeral, Kaikoli, Dili, Segunda (29/11), katak GNR iha uniku servisu iha misaun unidas, maibe iha parte seluk husi komando Jeral hakarak foka liu ba koperasaun Bilateral entre GNR ho PNTL nia ba iha futuru.
Hare ba koperasaun GNR ho PNTL iha area barak, ne’eduni iha 28 Novembru husi GNR hetan kondekorasaun Orden ba Timor, tanba kontribuisaun sira nian ba Timor.
“Ami dala barak koalia ona konaba estratejika kompainamentu ba formasaun GNR iha PNTL. Ne’e mos, ami diskuti besik liu tan kona koperasaun Bilateral liliu ba iha ita nia unidade Maritima, tanba sira iha esperensia barak kona ba unidade ida ne’e. Iha diskusaun ida ne’e ami koalia ona, fora husi misaun UN ho UNPOL nian,” hatete Long.
Nia reforsa tan katak, Komandante Jeral GNR mai vizita Kuartel Jeral PNTL ba dala tolu ona, ho vizita ida ne’e hametin liu tan koperasaun, liliu iha area kapasitasaun no formasaun.
Iha vizita especial Tanente Jeneral GNR ho Embaixador Portugal Ba Timor Leste, Luis Barreira de Sousa  ba iha Kuartel Jeral PNTL, simu ho parade military no akonpainha husi Komadante Jeral PNTL, Komisariu, Longuinhos Monteiro  ho Segundu Komadante Jeral, Komisariu, Afonso de Jesus inklui nia estrutura komando nian. Oscar Salsinha 

Komunidade Baguia Husu Aumenta PNTL
Horta Preokupa ho HIV/SIDA, Daet Ona ba Timor Oan 154
Festa Independensia TL Ba 35, Hetan Partisipasaun Maksimu Husi Povu
GODBLESS Konsidera Konvite TL Sangat Biasa
Seitor Privadu Presiza Rekursu Husi Governu

Naran	:
E-Mail	:
Komentariu	:
	(Hata Kodigu Seguransa iha Leten)