Vitima Miguel de Araujo, ba STL foin lalais ne’e, iha nia hela fatin Aldeia Caiseru, Sub Distritu Hatu-Udo, Distritu Ainaro, hateten maske husi autoridade Lokal sira foti ona dadus hodi ba nivel distritu, maib to’o agora sira seidauk simu ajuda husi governu.
“ Xefi Suku no Xefi Aldeia sira foti dadus no hato’o ona ba nivel Sub Distritu no Distrito, maibe to’o agora seidauk simu ajuda husi Governu liu husi Ministeiru Solidaridade Sosial,” komenta nia.
iha Aldia Caiseru ne’e rasik, iha  xefi familia nain 12 mak evita dezastre naturais, tamba ne’e, sira husu ba governu atu tau matan mos ba sira. Nia rasik lamenta tebes ho mekanizmu fahe ajuda ba vitima dezastre naturais, tamba maske aldeia Caiseru rasik seidauk hetan ajuda, maibe vitima balun hetan ajuda dala 3 ona.
Nune’e mos Vitima Zacarias de Araujo, husi Aldeia Dilkede, Suku Cassa, lamenta ho servisu husi MSS nian, tamba iha sira nia Aldeia populasaun barak mak hetan dezastre, maibe’e husi Nasional foti dadus uma kain 3, seluk sira la foti.
“ Ami seidauk simu ajuda husi Govrnu, maske ami  nia lider komunitaria mai to’o ona iha ami nia area, maibe’e ate agora seidauk iha rejultadu,” hateten Zacarias.
Responde ba preokupasaun hirak ne’e, Administrador Sub Distritu Hatu-Udo, Cancio Xina da Costa rekonese katak  Vitima  sira  hato’o duni  preokupasaun ba Administrador, nune’e sira hato’o ba Komisaun Dezastre naturais Distritu Ainaro no Adminstrador Distrtu Ainaro, maibe to’o agora vitima sira ne’e seiduk simu ajuda ruma husi MSS. Carme Ximenes

• Tweet
• Share

---