Alegasaun KKN ne’e funsionariu GPM duni mak hato’o keixa ba Primeiru Ministru (PM), Kay Rala Xanana Gusmão ho KFP iha fulan hirak liu ba.
Funsionariu GPM hirak ne’e be presta dahulk deklarasaun nudar sasin mak hanesan  Xisto D. Freitas, Jose Fausto, Joanico S. Gomes, Delfin Marques, Tomas da C. F ho Amandio.
Funsionariu sira seluk hanesan João Alegria, Angelo do Santos, Paul Pinto, Ladislau Correia, João Rangel, Vitoria Saldanha, Fitri Natalia Pinto, Suzety H. Soares ho Isabel Solede, sei presta deklarasaun iha loron tuir mai.
Joanico S. Gomes ne’ebe presta deklarasaun iha loron premeiru, hatete katak, ninia parte lori mos faktus balun ne’ebe hatudu katak DJ GPM involve duni iha aktu pratika KKN.
Iha dokumentus ne’e, Joanico informa katak, nia parte aprezenta kazu KKN 40 ne’ebe DJ GPM ho nia saseluk  sira halo.
“Nudar testamunha ami mai atu hato’o deit buat ne’ebe ami hatene. Ami espera prosesu ne’e sei lao ba oin,” deklara Joanico ba STL hafoin presta deklarasaun iha edifisiu KFP, Caicoli, Dili.
Funsionariu seluk, Xisto D. Freitas, informa katak, durante presta deklarasaun nia hetan perguntas 54 husi KFP.
Ninia parte rekomenda ba KFP atu define didiak kazu ne’e ho transparenti hodi nune’e bele haruka kazu balun ba PDHJ no Ministeriu Publiku atu investiga kle’an liu tan.tanba kazu ne’e afeta ba servisu iha GPM.
“Ami funsionariu sei lakohi servisu hamutuk ho DJ ne’ebe desfamador no minimiza funsionariu sira nia kapasidade,” afirma Xisto.
Alegasaun kontra Direitora Jeral GPM ne’e  mak deskunfia uza nia Kompanha Alegna Supply Lda, halo projetu kontruksaun ba harii fatin Gabineti Vice PM hodi gasta osan ho montante U$19,396,60,  halo kontruksaun ba edifisiu arkivo GPM ne’ebe didin  deit ho trikplek no pinta sala laran ho nia luan 4x5² gasta osan ho montante US$7000.
Alende ida ne’e, kazu sosa CD Player ba gabineti asesor media GPM ne’ebe tuir folin fa’an iha loja Kolmera ho folin US$70, maibe iha invoice finansas tau US$250. No sosa parabola folin lolos US$185.00, maibe finansas GPM sosa ho folin invoice US$265.00, inklui kazu sosa komputador ho folin $9.900 maibe tau fali folin $1.450/komputador no iha alegasaun seluk kona-ba Direitora Jeral GPM taka bolsu estudu ba funsionariu GMP tomak hodi fo deit ba nia familia sira.
Wainhira jornalista STL tenta konfirma asuntu ne’e ho Prezidente KFP, Liborio Pereira, maibe lakonsege hetan tanba nia sei okupadu ho servisu barak. Alein de ne’e, DJ GPM ne’ebe hetan akuzasaun mos kontinua la fo komentariu ba media. gin

• Tweet
• Share

---