Maske la esplika klaru posizaun governu atu mantein pozisaun kontra pedidu governu Australia nian ou aseita, maibe, tuir PM Xanana, Kinta ohin (14/10), sei hato ba Xefi Estadu Ramos Horta iha enkontru semanal iha Palasiu Prezidente, Aitarak- Laran, Dili.
“Aban (ohin-red) maka hau sei ba hato’o opsaun governu ba Prezidente Republika iha inkontru semanal,” dehan PM Xanana ba STL iha Palasiu Governu, Kuarta (13/10).
PM Xanana hatutan iha enkontru ne’e sei informa mos konaba politika governu konaba renova kalendariu debate OJE 2010 no porgrama seluk tan.
PM Xanana dehan, iha enkontru semanal ne’e governu sei rona mos programa vizita servisu nebe PR Horta halao ba ONU no vizita servisu ba Portugal no seluk tan.
Entretantu konaba  pozizaun deputadu Parlamentu Nasional, estudantes  no povu TL tomak rezeita total,  atu governu TL labele simu opsaun husi  Governu  Australia nian.
Vizita Ministru Imigrasaun no Sidadania Australia, Chris Bowen mai Timor Leste atu konfirma deit pozisaun TL ba pedidu PM Australia Julia Gilliard, nebee hakarak loke sentru prosesamentu refujiadu iha Timor Leste.
Ba kestau Prezidente Republika Jose Ramos Horta, kontinua loke posibilidade atu hahu dialogu formal ida konaba sentru prosesamentu refujiadu ne’ebe atu loke iha Timor Leste, maibe entidade barak inklui Parlamentu nasional rezeita total projeitu nee, tanba projeitu nee, benefisia deit Governu Australia. ego

• Tweet
• Share

---