DILI- Dewan Solidaritas Mahasiswa Pemuda Pelajar Timor Leste (DSMPPTL), husu  ba  governu Australia  atu respeitu povu Timor Leste (TL) nia direitu soberania.
Koordenador DSMPPTL Afonso Casssiano Ramos, hateten tuir negosiasaun nebe halao dala uluk entre governu Australia no Timor Leste katak, atu loke sentru prosesamentu iha TL. Husi DSMPPTL rasik rezeita pedidu ne’e no husu ba governu Australia atu respeita povu TL nia direitu soberania hanesan Estadu Unitariu.
“ Ho razaun ida nee mak ami husi DSMPPTL  husu nafatin ba governu Australia, no husu ba orgaun  soberania tomak iha TL, atu kaer  metin konstituisaun RDTL  no respeitu konvensoens Internasionais  hodi sata netik interese politika Australia nian mai TL,”dehan Afonso ba STL iha kampus lama, Caicoli, Dili.
Iha fatin hanesan  Vise koordenador   DSMPPTL  Januario Beci husu ba lideres partidus politiku sira atu tau interese nasional povu nian hanesan prioridade  fundamental nomos ba povu TL tomak tenki defende nafatin  soberania rai doben  TL nian hodi labele fo dalan ba interese  nasaun sira seluk.
Kestaun hanesan hato’o husi membru  DSMPPTL, Celestinho Gusmão, katak sira lakoi simu refuziadus husi  nasaun Australia, tanba nasaun Australia hetan tiha ona sira nia independensia iha tinan barak, la hanesan ho TL nebe foin maka ukun. Jasinta Sequiera/ Jesuina da Costa

Kazu Jose Luis-Zacarias, CNRT Akuza PJR Hamonu AMP PN Hein Karta Notifikasaun
Ahi Kontinua Mate, Fretilin Husu Januario Rejigna
Sentru Detensaun iha TL, Horta: Labele Taka Odamatan
Kazu Aitarak Laran ho Eis Brimob, FMTL Husu Buka Solusaun Diak
Irlandia Renova Programa Apoiu Governu TL

Naran	:
E-Mail	:
Komentariu	:
	(Hata Kodigu Seguransa iha Leten)