,
DMSGTRQR KNSESB
  12345
6789101112
131415161718 19
20212223242526
2728293031  

Iklan-Iklan











Segunda, 11 Outubru 2010 - 15:26:06 OTL
Sentru Detensaun iha TL,PR Horta: TL Labele Taka Odamatan
Posting Husi : Josefa Parada
Kategoria : Notisias Online - Le'e dala : 2891 Ona.

DILI- Prezidenti Republika DR. Jose Ramos Horta deklara katak Timor Leste labele taka odamatan ba ema sira ne’ebe mak halai husi funu no kiak.
Horta dehan, nudar Xefe Estadu ne’ebe hetan fiar husi governu atu lidera negosiasaun ba proposta Governu Australia hodi kria sentru detensaun refujiadu iha Timor Leste, nia sei la taka a’an hodi lasimu proposta refere.
Nia hatutan, iha prosesu negosiasaun nia laran, konserteza kestaun importante ne’ebe nia sei defende mak interese povu TL no kestaun seluk ne’ebe importante mos mak relasaun humanitariu.
“ Ita hatudu ita nia moral, ita estatus hanesan ida ke tuir prinsipiu humanitariu, prinsipiu solidaridade,” deklara nia ba jornalista sira.
Xefe Estadu ne’e hatutan, maske prinsipiu rua ne’e importante atu TL tenki hare, maibe wainhira tama iha razaun pratika konkretu, tenki halo negosiasaun uluk lai.
Iha fatin ketak, Jeneral Manajer Luta Hamutuk, Joaozito Viana, hatete katak, dezde inisiu wainhira informasaun ne’e hahu espaila iha TL, ninia parte foti pozisaun kontra ba proposta Autralia.
Tanba, nia fo razaun katak, sentru detensaun ne’e sei hamosu problema negativu ba Timor Leste rasik. Zito dehan, Australia iha intensaun atu oinsa bele halo intervensaun intermus seguransa ba Timor Leste.
Iha fatin ketak, Direitur ONG Labeh, Cristopher Henry Samson, dehan, ninia parte hare katak governu TL presiza kria dialogu ne’ebe klean ho governu Australia molok foti desizaun ruma.
Tuir nia katak, wainhira governu Australia iha hanoin atu fo proposta ba TL atu kria sentru detensaun signifika katak governu Australia hare mos ba konvensaun internasional hirak ne’ebe Parlamentu Nasional Timor Leste aprova ona durante ne’e. Atu hatene impaktu pozitivu ka negativu ba TL, tuir nia, presiza halo uluk negosiasaun laos kontra kedan wainhira informasaun ne’e hahu espaila ona iha publiku. Gorgino Santos

 


 

  • Share




Notisia Relevante Komentariu 5 :
deputi email
29 Maiu 2011 - 10:39:58 OTL

Alkatri lider nebee ho katakter kontraditivu
ILIDIO XIMENES
28 Novembru 2011 - 07:32:37 OTL

Hau hare se resaun humanitario tamba sa Governu Australia La bele simu auziliu politika sira, tamba sa ema husu auziliu politika ba Australia ita mak tenki simu fali? ne hatudo mos mos katak Governu Australia la respeita humanitarian nebe mak Durante iha sira iha? Governu simu Refujado sira nia vantajem no Desvantajem ba Povo Timor Leste saida? obrigado.
JOSE SOARES FERREIRA
14 Fevereiru 2012 - 22:09:33 OTL

pemilu fulan marco mai agora e diak liu tan e komparacao ho tinan kotuk liu ba....tuir hau nia hanoin ba nai ulun nebe mak sai nudar manu aman ukun povo diak laiha probelema entaun ida nemak sai nudar ukun rai no ukun povo nasaun ida nee...hau hili katuas boot JOSE LUIZ GUTERRES....
Timor Peace
01 Marsu 2012 - 08:06:01 OTL

ita nia boot sira iha ne'e bulak ba buka naran & bulak ba gava husi nasaun liur sira.....

Hau senti sira tengki analisa klean ho didiak liu tan husi aspeitu hotu-hotu. Laos hare deit husi aspeitu humanitariu..

Maun horta, lalika simu sentru detensaun hari iha TL...ne buat ladiak ida bro....orsida fo oportunidade makaas liu ba servisu inteligensia husi autralia amerika para atu harahun ita nia rai timor.....
tamba ita riku ho minarai...
P E A C E
Anaz
20 Marsu 2012 - 12:59:16 OTL

Australia rai i nasaun bot nusa mak Australia lakohi simu ema nebe halai husi funu no kiak? Sa mak iha kotuk, buat ruma karik? se karik hakarak simu i hare ema kiak nusa mak la halao rekonsiliasaun ba timor oan nebe mak agora iha Timor Loro Maonu? Nai ulun sira mak hatene....
komentariu :
« First ‹ Prev 1 Next ›Last »

Hatama ita Bo'ot Nia Komentariu :
Naran :
E-Mail :
Komentariu:
 
 (Hata Kodigu Seguransa iha Leten)

 


IKLAN

Sedauk Iha Iklan.