Jose Luis Prontu Hatan Iha Tribunal, Zacarias Sente La Justu
Posting Husi : Josefa Parada
Kategoria : Notisias Online - Le'e dala : 411 Ona.
DILI- Vice Primeiru Ministru Asuntu Sosial, Jose Luis Guterres prontu atu hatan karta husi tribunal rekursu ba akuzasuan nebe hasoru nia.
“Vice PM Jose Luis prontu hakruk ba lei no prontu atu hatan akuzasuan nebe kondena ba nia iha tribunal,” informa fontes konfirmadu nebe besik ho Vice PM Jose Luis iha Palasiu Governu ba STL, Kuarta ohin.
Tuir fontes ne’e katak, nudar sidadaun Timor oan, Vice Jose Luis respeita ho karta husi desizaun tribunal ba nia, Xefi Governu Xanana Gusmao no prontu atu ba hatan iha iha kualker tempu. Sai hanesan Advogadu ba Vice PM Jose Luis maka Defensor Publiku Sergio Hornai ho nia kolega ekipa balun.
Nune’e mos Lider Grupu Fretilin Mudansa, Natalino do Santos hatete katak, Vice PM mos tenki ba hatan iha tribunal konaba akuzasuan falsu sira nebe lansa husi lider partidu balun. “Sidadaun hotu tenki hakruk ba lei, tanba ne’e vice PM tenki ba hatan ho akuzasaun sira ne’e para justifika ba publiku atu hatene,” nia hatete.
Ministru Negosiu Estranzeiru (MNE), Zacarias konsidera desizaun nebe tribunal foti hodi kondena nia, nudar desizaun la justu nebe iha motivu ho politika. “Prosesu kazu krimi ba hau ne’e la justu, tanba iha motivu politika,” informa MNE Zacarias ba jornalista internasional nebe STL hetan aseisu Kuarta ohin.
MNE Zacarias iha nia deklarasaun sente "bingung, tapi tenang" ho akuzasuan karta konesementu hodi informa sei hetan suspensaun temporariu ba nia kargu, tanba Ministeriu Publiku foti akuzasaun definitivu ba Jose Luis ho Zacarias tanba involve iha abuzu poder no hariku a’an ho ameasa sentensa tinan 2 to tinan 4.
Iha parte seluk, Sekretariu Jeral PSD Marito Magno konsidera desizaun tribunal la justu hodi involve kazu MNE Zacarias ho Vice PM Jose Luis. PSD rasik lamenta ho kazu nebe involve sira nia Prezidente PSD Zacarias nebe la iha relasuan ho kazu ne’e.
PM Xanana Autoriza Fo Suspensaun
Iha parte seluk Primeiru Minsitru Kay Rala Xanana Gusmao sei hasai suspensaun ba nia membru governu nain rua wainhira fila husi vizita servisu husi Amerika.
Xefi Governu Xanana hatete nia parte rasik husu ona ba PN atu hasai membru governu rua nia imunidade hodi bele ba hatan akuzasaun oin-oin nebe kondena ba sira. Eugenio Pereira
Notisia Relevante
Hakilar
07 Maiu 2012 - 05:42:59 OTL
Palermas nain rua ne hasai deit ona,tanba hariku an i nauk tan povo nia kosar,la halao ninia serviso ho profisionalimu nudar vice primeiru ministru mais ba habokur an deit......diak liu tar deit ona,lalika soe tempu barak barak ba koruptor sira...........Timor oan sei barak demais atu ba halao serviso ho fo laran diak atu serve ita nian povo maubere..!!Obrigado
komentariu :
Hatama ita Bo'ot Nia Komentariu :
.jpg)
.jpg)
.jpg)
ARGIVU NOTISIA
Visitante Loron Ne'e 
Kuantidade 
Visitante Asesu Hela