Bee Sobu Uma Komunidade Mane-Mesak

Bee Sobu Uma Komunidade Mane-Mesak

- in Metro, Nasional
69
0
image004

DILI-Impaktu husi udan boot neebe akontese iha Kapital Dili, liuliu iha Aldeia Mane-Mesak, Suku Manleuana, Postu Administrativa Don Aleixo, Munisipiu Dili,   Domingu (29/12/2019), tuku 3-4 loraik Oras Timor-Leste (OTL). Resulta bee sobu uma komunidade Aldea Mane-Mesak barak hetan estragus.

Tuir Manuel da Costa Brites nuudar komunidade Aldea Mane-Mesak katak, impaktu husi inundasaun nee tamba laiha bee dalan.  Nee duni, bainhira udan, rezulta mota tun bee sempre tama fali iha uma komunidade. Problema seluk mos tanba agora dadaun ema komesa halo moru bobot taka tiha bee dalan. Tan nee too tempu udan bee lasai, bee tenki halai tama fali iha komunidade sira nia uma hodi istraga sasan barak.

Udan neebe akontese boot bee tun mai uma kain tolu (3) maka laaproveita hotu. Tanba nee sasan hotu-hotu hetan estraga.

Ami nia animal sira moss bee hoban lakon hotu hanesan manu, fahi, no sasasn sira seluk laaproveita hotu, Tanba ema sira iha aldea laran komesa halo ona moru boot hodi taka netik bee dalan, dehan nia.

Kondisaun komunidade Aldea Mane-Mesak domingu loraik nee perkupadu tebes, komunidade sira hotu perkupa ho hamos uma no halot sasan sira neebe maka hetan estraga.

Komunidade balun mos prekupa tebes ho kondisaun udan neebe tuir mai. Tanba udan iha minute hira nia laran deit mos resulta buat barak maka hetan estraga, se udan mai too oras ida ga rua, parese buat barak maka se lasalva.

Udan boot resulta buat barak maka hetan estgus, hanesan mos estrada diresaun 05 Manleuana hetan estraga, transporte dirasaun 05 difisil tebes atu halo movimentu hodi tula pasagerus sira.

Rai neebe maka tun husi foho leten taka netik estrada dirasaun Manleuana resulta kareta baskulente ida maka mout, no transporte sira seluk labele liu tanba kondisaun estrada neebe ladun diak.

Nunee mos tuir objervasaun STL, inpaktu husi udan neebe taun iha Domingu loraik rezulta fatin barak mak bee tama, no hetan estragus. Hanesan iha Estrada kruzamentu Dalan (Dln) Bedik Hudilaran rezuklta bee boot halai tuir Estrada husi Aimutin tun mai too iha Kruzamentu Bedik bee halai tuir fali Estrada klaran labele tama iha valeta. Tanba ponte neebe  iha Kruzamentu Dln Bedik lafunsiona tanba deit xineza sira halo konstrusaun taka tiha ponte kuak nee duni kuandu akontese udan boot bee husi Aimutin tun mai too iha Kruzamentu Bedik bee tekin halai tama iha estrada laran. Tan nee mak difikulta movimentu kareta-motor kuandu liu husi area nee ba.

Porblema  nee mak  governu latau matan  loron ruma sei hamosu inundasaun neebe bele rezulta vitima iha fatin hanesan.

Tanba bee sai ladiak estraga fali aspal neebe fulan rua (2) liuba foin halo husi Kompania Tinolino. Maibe aspal komesa nakfera fali ona, tanba udan neebe akontese iha seman ida liuba bee sai ladiak rezulta bee mosu fali iha estrada klaran hanesan fali bee moris, halo aspal iha fatin nee komesa nakfera fali ona. Donanciano Magalhães/STI-08

 

Komentariu

Facebook Comments

Leave a Reply

Your email address will not be published. Required fields are marked *