Bebe 10, Prezente Tinan Foun

Bebe 10, Prezente Tinan Foun

- in Nasional
24
0
download (2)

DILI-Bebe nain 10 moris iha Hospital Nasional Guido Valadares (HNGV), nuudar prezente furak Nasaun doben Timor Leste iha tinan foun (01/01/2020).

Diretur Klinika Hospital Nasional Guido Valadares (HNGV) Flavio Brandao dehan,  iha tinan foun 2020,  bebe nain 10 maka moris,  nee hanesan prezente furak ba  nasaun nomos ba inan aman.

Iha tinan foun, bele aumenta jerasaun foun, hateten Flavio ba STL liu husi via telfone Sesta (03/01/2020 ).

Nia hatutan bebe nain 10 neebe moris iha (01/01/2020), kompostu husi feto nain 4, mane nian 6, sira nee moris normal no saude diak.

Ita hare balun transfer husi sentru saude sira iha Dili laran, no balun direitamente mai iha nee, depois konaba atendementu ba sira lao diak maske loron boot, nia informa.

Iha fatin hanesan Doutora  Diplomada Orterisia Iha Materindade HNGV, Fransisca Olga Pinto dehan, loron dahuluk (01/01/2020 ba Profesional, saude sira iha HNGV la konsege hamutuk ho familia hodi festeza, maibe kontinua fasilita asistensia ba inan isin rua sira.

Nia dehan, hahu husi oras fahe malu tinan foun  troka tinan tuan kuaze HNGV atende pasiente lubuk ida no kosok oan nain 10 maka moris, kompostu  mane nain 6 no feto nain 4.

Ami servisu bain-bain lao diak maske loron boot, kuandu piket nee ami tenke mai fo atendementu ba inan isin rua sira, tenik Olga.

Doutora nee informa,  profesi la hare ba loron boot, bainhira pasiente presiza sira  tulan, atu fo atendementu, tenke tama no fo atendementu ba pasiente.

Nia relata iha (30/12/2019) too mai  (01/01/2020) inan isin rua nain 10 maka mak tama HNGV, bebe nain 9 maka partus normal, ida maka opera deit, maibe kondisuan bebe diak hotu  inklui inan sira. Jeniche da Costa

 

Komentariu

Facebook Comments

Leave a Reply

Your email address will not be published. Required fields are marked *