Bazeia Polemika Iha Publiku, Deputadu sira Kansela Leilaun Prado

Bazeia Polemika Iha Publiku, Deputadu sira Kansela Leilaun Prado

- in Nasional
633
0
Parlamentu Nasional

DILI – Bazeia ba polemika no demonstarasun estudante sira hasoru deputadu kona ba leilaun prado, Membru Deputadu Parlamentu Nasional (PN) foti desizaun halao kanselamentu ba leilaun hodi entrega fali kareta ba PN.

Deklarasaun nee hatoo husi Xefi Bankada CNRT Deputadu Natalino dos Santos iha konferensia imprensa, neebe iha bankada CNRT Tersa (22/08/2017) iha Parlamentu Nasional.

Konaba orsamentu neebe mak deputadu sira fo hotu ona, ida nee, ami lakolia, tanba ida nee kabe ba parlamentu nasional, neebe ami bankada cnrt foti desizaun hodi kansela leilaun nee, no ami sei latuir alienasaun ba kareta PN nian, hodi entrega  fila fali kareta nee ba PN, kona ba prosesu administrasaun ka ba PN,” katak Natalino.

Iha konferensia imprensa Xefi bankada CNRT nee lesai deklarasaun katak, bankada CNRT halao deklarasaun ba kanselamentu alinasaun kareta deputadus iha PN. Bazeia ba dekretu lei no 32/2011, 27 de Jullu konaba jestaun alineasaun dos bens movies do estadu nomos lei no 12/2017, kona ba lei da organizasaun funsionamentu administrasaun parlamentar.

Liu husi konsellu administrasaun parlamentu nasional kompostu husi bankada CNRT, Fretilin, PD, no Frenti Mudansa no mos reprezentante administrasaun PN nian, deside halo prosesu alineasaun tuir prosedimentu legal tomak neebe mak iha.

Ikus liu bankada CNRT husu ba publiku atu kria situasaun paz no hakmatek, matan moris neon nain hodi fo apoiu makximu ba prosesu formasaun governu no prosesu ba neegosiasaun Tasi-Timor neebe na halo hela.

Entretantu, iha oras hanesan Xefi Bankada PD, Maria Lurdes Bessa hatete, haree ba demonstrasaun neebe mak estudante sira halao ona iha PN oin, no akontese violensia tanba nee halo sira lamenta tebes, sira husi bankada PD halo ona desizaun atu halo kansela ba prosesu leilaun kareta prado. Guilhermina Franco

Facebook Comments

Leave a Reply

Your email address will not be published. Required fields are marked *