Basa No Tebe Rosita, Augostu Hatan Tribunal

Basa No Tebe Rosita, Augostu Hatan Tribunal

- in Notisias Online
223
0
Violensiabaku

DILI-Arguidu Augostu da Silva tenke simu pena multa dolar ida kada loron, durante loron 90, tanba provadu komete krime ofensas integridade fizika simples hasoru nia vizinu Rosita de Jesus.

Tuir akuzasaun husi Ministeriu Publiku katak,  iha loron 19 fulan Fevereiru 2016, tuku 18h00 otl iha Aldeia Rosario, Suku Fatuhada, Postu Administrativu Dom Aleixo, Munisipiu Dili, arguidu Augusto da Silva sai husi nia uma laran no hare nia asu tata lezada Rosita nia oan iha ain sorin karuk. Ho ida nee halo arguidu nervozu, mai besik iha lezada nia oan hodi koalia barak no hakilar.

Rona arguidu nia lian, lezada sai husi nia uma laran mai hodi hare saida mak akontese nee, bainhira lezada ba besik iha fatin neebe mak akontese problema asu tata nia oan nee, arguidu mos lao besik ba iha lezada, hodi akontese diskute malu entre arguidu no lezada. Ho nunee halo arguidu basa dala ida iha lezada nia hasan sorin karuk, no tebe dala ida iha lezada nia hirus matan. Konsekuensia husi agresaun ida nee, halo lezada monu tun ba rai no senti moras iha nia hirus matan. No lezada ba halo tratamentu iha mediku sentru saude Comoro.

Ho arguidu nia hahalok nee, Ministeriu Publiku akuza arguidu Augostu ba krime ofensas integridade simples neebe previstu iha artigu 145 kodigu penal TL,” dehan juiz Ivan Antoninho iha TDD, Mandarin, Segunda (04/07/2016).

Hatan ba akuzasaun nee arguidu konfesa katak, akuzasaun nee los. Nia baku lezada tanba, lezada mos kolia liafuan mal ba nia hodi dehan tan ho liafuan, se o matenek nusa o la ba servisu iha kantor, maibe o sai fali sekuriti deit, tanba ida nee mak halo arguidu hirus hodi basa no tebe lezada.

Iha fatin hanesan lezada Rosita hatete, iha momentu neeba nia sai husi uma laran mai hodi koalia diak deit ho arguidu maibe argidu hatan hodi dehan o asu, o animal, ho ida nee halo lezada mos hatan hodi fo fila arguidu nia liafuan hodi dehan, o mak asu no o mak animal. Depois arguidu basa kedas lezada hodi tebe mos iha nia hirus matan, hodi halo lezada monu ba rai. Konaba liafuan neebe hatete arguidu sekuriti ida nee lezada deklara katak la los. Informasaun kompletu iha STL Jornal no STL Web, edisaun Tersa (5/7/2016). Gracilda Oliveira

Facebook Comments

Leave a Reply

Your email address will not be published. Required fields are marked *