Baku Oan, MCS Simu Suspensaun

Baku Oan, MCS Simu Suspensaun

- in Krime
131
0
Kadeia

DILI- Ministeriu Publiku liu husi alegasaun final husu tribunal atu aplika pena suspensaun prizaun fulan neen, suspende tinan ida ba arguidu ho inisial MCG, tanba agresaun fisika hasoru nia oan rasik.

Liu husi alegasaun final ministeriu publiku husu ba tribunal atu aplika pena suspensaun ba arguida, tanba komete krime ofensas integridade fizika simples, neebe previstu iha artigu 145 kodigu penal Timor Leste.

Entertantu parte defeza husu ba tribunal atu aplika pena neebe adekuada ba arguidu, tanba nia deklara no la nega ba faktus neebe iha tribunal.

Rona tiha deklarasaun husi parte rua, tribunal adia fali ba loron 26 fulan Outobru tuku 9:00 dader hodi rona desizaun final.

Tuir akuzasaun neebe tribunal lee sai katak, arguidu MCG ho lezada LMA nudar fen laen kaben iha tinan 1987 oan hamutuk nain 8.

Iha loron 9 fulan Setembru tinan 2015 maizumenus iha oras 19:00 otl iha Mascarinhas, Dili, lezada kous hela nia beioan iha uma, lakleur lezada rona arguidu buka sira nia oan naran Lusia no arguidu husu ba lezada katak Lusia iha neebe.

Lezada hatan ba arguidu katak Lusia lori hahan ba kraik, arguidu ho ai sanak ho medida sentimu 50 ho buka nia oan Lusia atu baku, tanba Lusia haree hela arguidu kaer ai sanak mak halai tiha ba rai lolon.

La kleur Lusia mos fila tiha ba uma nunee lazada hateten ba arguidu katak, se o baku labarik karik labele baku hanesan kuda no karau, maibe hanorin nia hanesan aman ida hanorin oan.

Rona lezada koalia arguidu fila hodi tolok lezada katak, depois arguidu hamrik hodi baku lezada hanesan tuku dala haat iha lezada nia ulun, momentu neeba laezada kaer hela ai hamos rai nian, arguidu hadau ai nee hodi baku dala rua iha lezada nia liman brasu sorin loos.

Konsekuensia husi arguidu nia konduta sira nee, kauza lezada sente moras no bubu iha ulun moras no bubu iha liman brasu no halo lezada sente oin nakukun.

Arguidu hakarak ho intensaun, lori liman tuku iha ulun no mos no lori ai baku iha liman brasu ho forma sira neebe livre no konsientemente I la ignora karakter sensuravel nia konduta.

Ministeriu publiku akuza arguidu hanesan autor material ho forma konsumada ba krime violensia domestika ho forma ofensas ba integidade fizika simples neebe previstu no punidu iha artigu 145 kodigu pnal Timor Leste nian.

Hatan ba akuzasaun nee arguidu deklara katak faktus sira nee balu loos no balu la loos.

Momentu neeba hau moras no ain bubu toba hela, hau nia oan Lusia hanesan feto ran idade 18 fila husi eskola mai kalan, tanba nee hau buka nia atu husu maibe nia halai tiha. tuku 11:00 kalan nia mosu fali mai, nee mak hau nervozu hodi baku nian, ”konfesa arguidu iha Sala Audensia Tribunal Distrital De Dili Kuarta, (11/10/2017).

Arguidu deklara, momentu nia baku Lusia ho ai, lezada mos lori ai sar baku iha nia kotuk laran dala rua, tanba nee nia mos hadau fali ai sar hodi baku lezada no tuku dala 4 iha lezada nia ulun.

Nunee kalan nee kedan sira hela fahe malu tiha, arguidu ho oan balu ba toba iha uma ida kios nian, no lezada sira ho oan balu toba iha sira nia uma neebe baibain sira hela ba.

Husi problema neebe iha, sira rezolve ona tuir kultura no arguidu mos promete ba tribunal katak, sei la halo tan hahalok ida nee.

Alende nee lezada mos deklara ba tribunal katak, mosu problema nee tanba arguidu baku sira nia oan Lusia, tanba nee arguidu nervoju too balu lezda ho ai no tolok.

Problema nee mosu, tanba arguidu buak ami nia oan Lusia, mas nia husu Lusia mai hau hatan katak nia sei lori hahan ba kraik, Lusia mai fali uma nia baku tanba nee hau mos koalia ho nia tuku no tolok hau,” deklara lezada.

Nia deklara, husi hahalok sira nee, agora hadame malu ona tuir kultura ka adat neebe iha, tanba sira la kohi moris tanba iha problema nia laran.

Audensia julgamentu nee, prezide husi Juis singular Ivan Suritay, ministeriu publiku reprezenta husi prokurador Nelson Carvalho, arguidu hetan asistensia legal husi defensor publiku Marcelino Da Costa Guterres. Terezinha de Deus

Facebook Comments

Leave a Reply

Your email address will not be published. Required fields are marked *