Baku Hela Deit Catarina, Agusto Simu Suspensaun Tinan 2

Baku Hela Deit Catarina, Agusto Simu Suspensaun Tinan 2

- in Notisias Online
226
0
Deskonfia

DILI – Arguidu Agusto da Costa tenke simu pena suspensaun tinan rua no lakon ferik oan no oan nain rua, tanba deit nia hahalok neebe gosta halo agresaun fisika hasoru nia kaben lezada Catarina de Costa Guteres too ran sai.

Liu husi desizaun final tribunal aplika pena prizaun tinan ida fulan nen, suspende tinan rua (2) ba arguidu Agusto da Costa tanba diskuti malu lori labarik ba eskola, no arguidu baku lezada Catarina de Costa Guteres too ran sai. Faktus provadus arguidu komete duni krimi ofensas integrade fizika  simples neebe previstu iha artigu 145 lei kodiku penal Timor-Leste no lei Violensia Domestika  artigu 35, alinea B husi lei kontra violensia demestika, lei numeru 07/2010 de 07/ Julhu.

Tuir akuzasaun husi Ministeriu Publiku (MP) neebe lee sai iha tribunal katak, arguidu ho lezada moris hamutuk hanesan fen laen iha tinan 2008 no sira nian rua iha oan nain rua. Iha loron 18/02/2015, dadersan iha Palapasu, Dili, lezada prepara hela matabisu iha dapur laran, arguidu tama ba dapur laran hodi hatete ba lezada katak “labele lori labarik ba eskola ona tanba tarde ona” i lezada mos ba haris, haris tiha hotu lezada sai husi haris fatin ba iha kuartu laran atu troka ba serbisu, arguidu hein hela lezada iha kuartu laran, no arguidu hamrik hodi soe tun hotu lezada nia hena ba rai.

Lezad foti nia ropa tau iha pasta laran, hodi hatete ba iha arguidu katak “se liu ona oras sai serbisu maka hau la mai uma uma karik, hau ba toba ona ho alin sira iha Bemori”. Rona ida nee arguidu rasta lezada nia pasta no rakut lezada nia liman hodi rezulta kanek too ran sai. Depois hotu tiha ida nee, lezada mos preapara an atu ba ona serbisu hamutuk ho nia prima Dulce Gama.

Konsikuensa husi arguidu nia hahalok neebe konduta ba lezada hetan kanek iha liman, moras no bubu iha kabas sorin los, moras iha kanuruk no mos hetan kanik iha oin. Arguidu halo forma sira nee ho livre no konsientementu i la ignora karakter sensurabel nia konduta.

Iha fatin hanesan lezada Catarina konta tuir saida mak iha akuzasaun no lezada deklara katak laos nia mak rakut uluk arguidu maibe arguidu maka sempre halo agresaun hasoru nia. Informasaun kompletu iha STL Jornal no STL Web, edisaun Sesta (6/5/2016). Domingas Gomes

Facebook Comments

Leave a Reply

Your email address will not be published. Required fields are marked *