Baku Hela Deit Catarina, Agusto Simu Suspensaun Tinan 2

Baku Hela Deit Catarina, Agusto Simu Suspensaun Tinan 2

- in Notisias Online
272
0
Deskonfia

DILI-Arguidu Agusto da Costa tenke simu pena suspensaun tinan rua no lakon ferik oan no oan nain rua, tanba deit nia hahalok neebe gosta halo agresaun fisika hasoru nia kaben lezada Catarina de Costa Guteres too ran sai.

Liu husi desizaun final tribunal aplika pena prizaun tinan ida fulan nen, suspende tinan rua (2) ba arguidu Agusto da Costa tanba diskuti malu lori labarik ba eskola, no arguidu baku lezada Catarina de Costa Guteres too ran sai. Faktus provadus arguidu komete duni krimi ofensas integrade fizika  simples neebe previstu iha artigu 145 lei kodiku penal Timor-Leste no lei Violensia Domestika  artigu 35, alinea B husi lei kontra violensia demestika, lei numeru 07/2010 de 07/ Julhu, dehan juiz prosesu iha TDD.

Tuir akuzasaun husi Ministeriu Publiku (MP) neebe lee sai iha tribunal katak, arguidu ho lezada moris hamutuk hanesan fen laen iha tinan 2008 no sira nian rua iha oan nain rua.

Iha loron 18/02/2015, dadersan iha Palapasu, Dili, lezada prepara hela matabisu iha dapur laran, arguidu tama ba dapur laran hodi hatete ba lezada katak “labele lori labarik ba eskola ona tanba tarde ona” i lezada mos ba haris ona, haris tiha hotu lezada sai husi haris fatin ba iha kuartu laran atu troka ba serbisu, arguidu hein hela lezada iha kuartu laran, no arguidu hamrik hodi soe tun hotu lezada nia hena ba rai.

Lezada foti nia ropa tau iha pasta laran, hodi hatete ba iha arguidu katak “se liu ona oras sai serbisu maka haa la mai uma uma karik, hau ba toba ona ho alin sira iha Bemori”. Rona ida nee arguidu rasta lezada nia pasta no rakut lezada nia liman hodi rezulta kanek too ran sai. Depois hotu tiha ida nee, lezada mos preapara an atu ba ona serbisu hamutuk ho nia prima Dulce Gama.

Tuir arguidu katak problema nia hun nee, iha dadersan nee lezada haris tiha atu ba serbisu no tama ba iha kuarta laran “husu save mai hau hanoin katak save hau mak subar maibe hau dehan la hetan no subar ida” ho ida nee halo lezada nerbozu hodi tolok arguidu tun sae no rakut uluk arguidu no ida nee maka halo arguidu nerbozu hodi baku lezada.  Kona ba soe ropa nee arguidu rerkonese duni katak nia soe duni ropa nee ba rai maibe depois arguidu foti fali ropa sira nee. Informasaun kompletu iha STL Jornal no STL Web, edisaun Sabado (7/5/2016). Domingas Gomes

Facebook Comments

Leave a Reply

Your email address will not be published. Required fields are marked *