Baku Fen Iha Fatin Publiku, Marcal Hatan Iha Tribunal

Baku Fen Iha Fatin Publiku, Marcal Hatan Iha Tribunal

- in Krime
269
0
Tribunal.................

DILI – Marcal Ximenes Junior tenki sai arguidu hodi ba hatan iha Tribunal Distrital Dili (TDD), tanba baku nia fen iha fatin publiku hodi komete krime violensia domestika.

Tuir akuzasaun husi MP neebe le sai husi juiza singular Maria Modesta katak, arguidu Marcal ho nia fen Maria Domingas hola malu iha tinan 2010 no iha oan ida.

Iha loron 6 fulan Outubro 2016 tuku 12:00 meudia Otl iha mandarin IADE nia oin arguidu ho lezada hirus malu kona ba atu vizita sira nia oan neebe mak hela iha Baucau ho nia avo sira.

Arguidu Marcal lakohi ho razaun nee, momentu neeba lezada Maria mesak ba Baucau, bainhira lezada fila mai husi Baucau arguidu ba hela tiha iha ponte Maufelu Becora.

Entaun, momentu nee lezada ba buka arguidu iha nia servisu fatin atu ba han meudia, maibe arguidu hirus hodi tolok lezada no hasai lia fuan aat hasoru lezada.

Nunee, komesa mosu deskute malu entre arguidu ho lezada depois arguidu komesa hirus lori ain tebe lezada nia ain baku dala rua iha lezada nia kotuk laran.

Ho arguidu nia hahalok nee halo lezada hetan moras no bubu iha ain ho kotuk laran depois lezada mos moe. Tanba arguidu tolok no tebe lezada iha fatin publiku afeita ba nia piskolojia. Nunee MP akuza arguidu ho krime violensia domestika konjuga ho krime ofensas integridade fisiku simples.

Iha fatin hanesan lezada Maria hatete, los duni katak, arguidu tolok nia no tebe i baku nia iha fatin publiku nee hodi halo nia moe.

Problema nee tanba deit atu ba Baucau hodi hare labarik nee, nia lakohi ba mak hau mesak ba deit, entaun tanba nee mak nia hirus hodi ba tiha Becora nee mak hau ba buka tuir nia nee mak nia hirus los,’’ koalia lezada Maria.

Rona tiha deklarasaun husi parte arguidu ho lezada mak tribunal husu MP ho defeza halo kedas alegasaun, iha alegasaun MP husu ba tribunal atu fo pena multa ba arguidu kada loron ida U$ 50 cent durante loron 60, iha parte seluk defeza husi arguidu husu ba tribunal atu fo pena justisa ba arguidu. Domingos da Piedade Freitas

Facebook Comments

Leave a Reply

Your email address will not be published. Required fields are marked *