Aviaun Garuda, Sei Halo Operasaun Kupang-Dili

Aviaun Garuda, Sei Halo Operasaun Kupang-Dili

- in Economics
5522
0
qantas_australia

KUPANG – Aviaun Garuda sei halao operasaun husi Propinsia Nusa Tenggara Timur (NTT) Kupangg-Indonesia mai Dili Timor-Leste (TL).

Informasaun nee hatoo husi Marius Ardu Jelamu hanesan Diretor Jeral Ministeriu Turizmu no Ekonomia Provinsi NTT katak, TL ho Indonesia, barak liu mak sidadaun sira halao movimentu ba mai liu husi terestres. Tanba nee, atu fasilita liu tan movimentu ida nee maka Governu Indonesia prepara ona  Aviaun Garuda atu semo  ba mai Kupang- Dili, neebe operasaun aviaun Garuda nee sei hahu operasaun Kupang-Dili iha loron 15 Novembru tinan 2017.

Nia halo komparasaun katak, komunidade iha NTT  ho TL, iha suku balu kultura hanesan, lian mos hanesan, tanba nee presiza iha kooperasaun diak liu tan, hodi nunee fasilita movimentu populasaun ba mai.

Ita haree durante nee, movimentu Populasaun TL ba Kupang liu deit husi terestres, ka rai maran deit, ba iha Atambua mak foin sae aviaun semo ba Kupang, tanba nee diak liu atu fasilita viajen nee ho lalais no besik liu tan maka ami prepara ona Aviaun Garuda ida hodi halao  viajen semana ida bele semo dala 4 tuir planu neebe iha ona,” katak Marius ba Jornalista sira bainhira halao vizita ba iha nia Edifisiu Turizmu Kuarta (18/10/2017) iha Kupang NTT.

Diretor Turizmu nee fiar katak, Governu TL sei tau osan ba ida nee, tanba haree movimentu pasajerus liu husi terestres bele ona, no agora  ba oin sei iha tan viajen ho Aviaun. Fiar katak  ba oin mos bele viajen husi  tasi ho Ro Ahi, atu nunee fasil liu tan exportasaun no importasaun sasan fasili liu tan husi nasaun 2 nee.

Ho Planu ida nee governu Indonesia halao tiha ona koordenasaun ho governu TL kona ba Aviaun Garuda neebe sei semo husi Kupang-Dili TL, tanba nee hein deit ona  iha loron 15 Novembru 2017 aviaun nee atu semo ba mai.

Koalia kona ba presu aviaun nia hatete, seidauk hatene los, tanba aviaun seidauk semo, maibe pastikan  harga sesuai dengan rupiah.

Hau hanoin, ida nee bele fasilita diak liu tan sidadaun husi nasaun 2 nee. Hau kontente  no fiar katak  perjalan udara nee sei lancar ba futuru,” Tenik Marius.

Nunee mos Reprezentante Embaixdor Indonesia ba TL, Marina Wari fiar katak, ho kooperasaun sira nee, ba oin sei hametin liu nasaun Vizinu 2 nee.

Nunee mos  Pasajeiru Timor oan Felis da Costa dehan, karik planu ida nee mos bele diak liu tan, tanba Timor oan sira barak mak halao viajen ba mai entre Kupang ho Dili-TL, neebe presiza iha transporte terestres no mos aviasaun hodi nunee bele fasilita viajen sira nee diak liu tan.

Aleinde nee, observasaun Jornalista haree katak, durante movimentu komunidade Kupang ho TL, liu deit husi Terestres, seidauk ho Aviaun Dili TL ba Kupang,  tanba nee viajen sempre han tempu loron 2 iha dalan mak bele too iha fatin. Ho planu neebe governu Indonesia ho TL iha nee, bele fasilita diak liu tan Viajen TL-Kupang. Guilhermina Franco

Facebook Comments

Leave a Reply

Your email address will not be published. Required fields are marked *