Auturidade Siguransa Tenke Maksimiza Servisu

Auturidade Siguransa Tenke Maksimiza Servisu

- in Politics
6
0
logo1

DILI-Reprezentante povu iha uma fukun Parlamentu Nasional (PN)konsideira autoridade siguransa iha TL, seidauk maksimiza sira nia servisu ho diak iha baze, maske rekursu estadu nee boot oferese ba sira, maibe sira uza la ho masimu. No lolos nee autoridade siguransa labele ba halo fali politika.

Kestaun nee fo sai husi Deputadu Sabino Guntur ba Jornalista Kinta (05/09/2019) iha nia knaar fatin parlamentu Nasional.

“Hau hanoin autoridade siguransa nee tenke maksimiza sira nia funsionamentu iha sosiedade nia let, liu liu fo suguransa ba komunidade sira durante oras 24 nia laran, tanba komunidade sira mos iha dever atu lao ba mai iha tempu saida deit,”dehan Deputadu Guntur.

Nia mos afirma liu tan katak, joven neebe hemu lanu hodi provoka situasaun iha rai laran maka, polisia iha kompetensia atu halo atuasaun,  atu hapara asaun nee, tanba nee PNTL tenke halao nia servisu ho professional no joven sira mos labele hanoin lanu hodi provoka situsaun iha rai laran, tanba atu kria pas no establidade iha rai laran presiza ema hotu nia kontribuisaun.

Iha fatin hanesan Prezidente Komisaun B neebe trata asuntu sigunrasa no defeza,  Aderito Hugo hateten, establesementu PNTL nian maka atu garante pas no establidade iha rai laran, tanba nee PNTL halao nia servisu tuir lei ho orden neebe maka iha.

“Karik Joven ruma hemu lanu hodi halo perturbasaun hasoru PNTL, maka sira iha kompetensia atu kaptura ema nee, tanba rai ida nee atu lao ho diak ba oin maka tenke garante establidade, povu tenke moris hakmatek, tan nee presiza komprensaun ita hotu nian,”dehan Deputadu nee.

Nunee mos Deputadu Antonio Verdial hatutan,  atu garante pas no establidade iha rai laran maka, presiza ema hotu nia kontribuisaun, no prezensa PNTL nian atu garante pas no establidade iha rai laran, tan nee sira halao servisu iha baze tanba ezekuta lei ho orden, tanba nee ita tenke valorize mos sira nia servisu.* Madalena Horta,ESTI 09.

Komentariu

Facebook Comments

Leave a Reply

Your email address will not be published. Required fields are marked *