Autoridade Lokal Garante, Kampaina Elpar Iha Oecusse Sei Lao Diak

Autoridade Lokal Garante, Kampaina Elpar Iha Oecusse Sei Lao Diak

- in Distritu
1049
0
Povu Oecuse

AMBENO—Autoridade komunitariu Oecusse garante katak, kampaina elpar iha rejiaun Oecusse sei laiha problema. Komunidade Oecusse tomak, prontu garante paz no estabilidade politika no seguransa durante kampaina ba too loron votasaun.

Hau haree partidu 21 neebe sei mai Oecusse nee, sira hotu nia aktividade kampaina sei lao diak. Sei laiha problema ruma mosu. Situasaun kampaina sei lao diak too hotu,” hateten Xefe Aldea Sanane, Fransisco Ais ba STL iha Sede Suku Costa, Sub Rejiaun Pante Makasar, Oecusse, Kuarta (21/6/2017).

Nia dehan, rejiaun Oecusse lahanesan ho maluk sira iha munisipiu  seluk. Komunidade Oecusse nee, nonok, hakmatek, hakarak rona saida deit mak parpol sira hatoo. Maske nunee, nia husu lider parpol sira tenki respeitu povu. Povu sira iha direitu atu rona aprezentasaun politika. Tamba nee, nia husu ba parpol 21 bainhira halo kampaina iha Oecusse, labele soran povu aileba sira.

Sira ba halo kampaina, tenki esplika deit sira nia programa politika ba dezenvolvimentu nasaun. Atu nunee, povu bele fiar no hili sira partidu.

Se parpol hotu la tuir hanesan nee, ami garante katak, sei lamosu konflitus ruma iha rai Oecusse. Nudar Atoni oan, ami hatene respeitu no hatene saida mak politika. I buat ida respeitu malu nee mak importante,” hateten Ais.

Nia mos husu ba seguransa Oecusse atu toma atensaun ba centru votasaun neebe monta ona. Tamba experiensia iha elprez mosu problema barak tamba povu hadau malu iha formatura hodi fo sira nia votus.

Husi fatin seluk Koordenador Fretilin Rejiaun Oecusse, Fabiao de Oliveira hateten, seguransa iha Oecusse sei lao diak.

Hau hanoin, entermus seguransa iha rejiaun Oecusse sei lao susesu. Husi eleisaun dala hira ona, povu Oecusse hatudu sira nia maturidade politika diak ho partidus hot-hotu. Partidu idak-idak asegura sira nia militantes no apoiantes,” hateten Oliveira.

So tauk deit, terseiru homen husi railiur. Ameasa nee normal tamba Oecusse hela iha fronteira, hahu kedas husi Oesilo, Sakato, Pasabe, no Citrana. Ida nee bele provoka situasaun iha railaran. Tamba nee tenki evita mobiliza ema neebe mai husi Dili. Iha Dili, joven barak provoka malu too sai problema ameasas, nee duni husu ba seguransa tenki evita tamba joven ho populasaun iha oecusse moris ho hakmatek atu hare ba dezenvolvimentu neebe lao dadauk iha oecusse tamba nia diak nee ba sira nia futuru no jerasaun oin mai, husu mos seguransa iha fronteira atu atu kria estabilidade pas iha fronteira katak tenki mantein pozisaun labele husik ema liur tama bebeik mai iha ita nia rain.

Hatan deklarasaun nee, Adjundu Segundu Komandante PNTL Oecusse, Paulino do Carmo Pereira hateten, parte polisia pronto ona iha fatin hot-hotu atu asegura situasaun kampaina parpol sira.

“Entermus, seguransa iha RAEOA preparadu ona agora dadaun ami elabora hela planu operasaun seguransa neebe maka sei destaka efektivus elementus sira ba iha centru votasaun idak-idak, ba efektivus oecusse la kontijente jeral mesak maibe iha apoiu husi polisia unidade especial polisia pelataun BOP neebe maka destaka iha oecusse, nomos iha tempu kampanha too eleisaun centru votasaun neebe maka besik fronteira husi UPF mos sei destaka hodi asegura elpar. PNTL Oecusse prepara membru 147 pesoas, UPF 40, inklui BOP 18,” hateten Paulino. Est-5

 

Facebook Comments

Leave a Reply

Your email address will not be published. Required fields are marked *