Autoridade Koopera Ho Seguransa Iha Sentru Votasaun

Autoridade Koopera Ho Seguransa Iha Sentru Votasaun

- in Metro
91
0
setp_halao_senseblizasaun_ba_komunidade_iha_uatolari_2

DILI-Autoridade lokal no komunidade sira koopera servisu hamutuk ba iha sentru votasaun, atu nunee bele kria paz no establidade iha sentru votasaun ida-idak.

Tuir observasaun STL iha Sentru votasaun eskola bazika filial Bairo-Pite loke iha tuku  hitu dader, no hetan seguransa masimu  husi membru polisia nasional Timor Leste, inklui mos  komandante jeral PNTL, komisariu polisia, Julio Hornai no segundu komandante PNTL, komisariu polisia, Faustino da Costa, kontinua halao patroluhu ba iha sentru votasaun iha kapital Dili, hodi bele haree direitamente situasaun seguransa iha sentru votasaun ida-idak.

Tuir  xefi suku Bairo-Pite, Joao Baptista, hatete, Seguransa nee diak, tanba seguransa nee laos  polisia ho F-FDTL deit, maibe povu Timor Leste, nomos autoridade hotu-hotu atu bele koopera ho PNTL no F-FDTL sira para bele halo seguransa diak iha rai  ida nee.

Hau hanoin  ita nia seguransa nee diak, tanba seguransa nee laos  polisia ho F-FDTL deit, maibe povu Timor Leste, nomos autoridade hotu-hotu atu bele koopera ho PNTL no F-FDTL sira para bele halo seguransa diak iha rai ida nee, tanba nee, autoridade lokal, komunidade hamutuk ho PNTL bele koopera malu, atu nunee ita nia situasaun seguransa iha suku laran  ou iha fatin votasaun bele lao diak no susesu nia laran,”hatete Joao ba  jornalista iha sentru votasaun eskola  bazika filial Bairo-Pite Dili, Segunda (20/03/2017).

Joao, akresenta,  kada sentru votasaun  iha polisia  nain tolu, hodi koopera ho autoridade inklui komunidade sira neebe mak  hela iha suku ida nee, neebe situasaun seguransa iha  sentru votasaun ou iha suku Bairo pite  ninia lao diak no hakmatek.

Nunee mos Mario de Jesus, hanesan komunidade iha suku Bairo-Pite hatete hanesan komunidade, ami hakarak atu koopera ho ita nia autoridade lokal inklui autoridade seguransa, para ita bele kria paz no establidade iha ita nia sentru votasaun, no joventude sira mai vota tiha, sira idak-idak bele fila fali ba sira nia uma. Jacinta Sequeira/Lucia  Ximenes

Facebook Comments

Leave a Reply

Your email address will not be published. Required fields are marked *