Autor Rama Ambon,Nain 3 Tama Prizaun Preventiva

Autor Rama Ambon,Nain 3 Tama Prizaun Preventiva

- in Krime
601
0
Kadeia

DILI-Autor Rama Ambon nain 5 neebe polisia kaptura iha loron Kinta (12/10) iha area Comoro, nain 3 tama ona prizaun preventive. Nain 2 hetan termus identidade rezidensia (TIR).

Tuir Segundu Komandante PNTL Munisipiu Dili, Superintendente Assistente Polisia, Euclides Belo, sira neebe hetan TIR hanesan sasaun ida ba sira, para labele komete tan krime ruma.

Suspeitu sira ba kazu rama Ambon nee ita kaptura hotu ona e tama ona kadea. I sira neebe partisipa mais laos partisipa ativu, ida nee mos hetan ona TIR, ida nee sasaun ida ba sira para labele komete tan krimi. Laos deit ligadu ba rama Ambon mais ba kazu sira seluk. Sira labele komete tan,” hateten Euclides ba jornalista iha Komando PNTL Munisipiu Dili, Caicoli, Dili, Kuarta (18/10/2017).

Husi sorin seluk, Komunidade Caicoli, Adelino Freitas husu polisia atu kontinua halo operasaun hodi kaptura ema kriminozu sira mak uza sasan kroa hodi halo kanek ema seluk.

Hau hanoin ita nia polisia sira tenke halo operasaun mais rigorozu para kaptura ema kriminozu sira neebe mak lori sasan kroat halo kanek ema ate ema balu mate. Ida nee presiza atuasaun ida ke mais forte,” dehan Adelino.

Ronaldino da Silva (estudante) dehan, agora iha ona lei arma branka. Lei nee bandu ema labele uza sasan kroat mais na realdiade kazu sira nee kontinua akontese.

Entaun presiza operasaun ida neebe mak mais rigorozu e diak liu halo pasa revista tama sai uma para identifika autor prinsipal ba produsaun rama Ambon.

“Ita ita halo deit pasa revista iha dalan ka buka deit iha viaturas sira mai nafatin akontese entaun bele ga la halo tok cek poin tama uma para bele identifika autor lolos nee se,” dehan Ronaldino. Lucia Ximenes

Komentariu

Facebook Comments

Leave a Reply

Your email address will not be published. Required fields are marked *