Australia Mantein Pozisaun Lakohi Deskuti Fronteira Maritima ho TL

Australia Mantein Pozisaun Lakohi Deskuti Fronteira Maritima ho TL

- in Notisias Online, Top News
10535
0
world_et

DILI – Governu Timor Leste liu husi mekanismu oin-oin hodi husu Asutralia atu halo negosiasaun konaba fronteira maritime, maibe too oras nee Australia kontinua mantein nia pozisaun lakohi tur hamutuk ho TL atu diskute fronteira maritima.

Deklarasaun nee fo sai husi Xefi Governu, Rui Maria de Araujo, liu husi deskursu wainhira halo lansamentu ba website Gabinete Fronteira Maritima neebe mak halo iha Palacio Governu Segunda (29/02/2016).

Ho Australia seidauk iha solusaun tanba Australia kontinua mantein ninia pozisaun katak tratadu temporariamente halo distribusaun de rekursu iha tasi neebe tama iha area desputa entre rai rua ida nee mak kumpri ona direitu internasional tanba hanesan ita hotu hatene hahu kedan husi molok ita atu restaura ita nia indenpendeisia Australia hases an husi institusaun internasional neebe iha juridisaun atu rejolve konflitus baje ba UNCLOS tanba nee durante nee ita la konsege abansa prosesu nee ba oin no ita hotu sei lembra katak Australia nia pozisaun liu-liu iha kestaun de limitasaun fronteira martima nee la klaru,” dehan PM Rui.

Nia hatutan objetivu TL nian limitasaun fronteira maritima laos atu buka partilla rekursu neebe mak bot liu, maibe kestaun TL mak atu limita fronteira maritima tanba parte ida husi soberania TL nian. Nia mos hatutan konaba negosiasaun fronteira maritima entre TL ho Indonesia iha pasu neebe mak positivu tanba Indonesia rasik konkorda atu rejolve fronteira martima tuir lei internasional.

Iha fatin hanesan tuir Diretora Ejekutivu Gabinete Fronteira Maritima, Elizabet Exposto, mos hatete objetivu husi lansa website nee atu fahe informasaun liu-liu konaba fronteira maritima ba publiku tomak atu bele komprende. Informasaun kompletu iha STL Jornal no STL Web, edisaun Tersa (1/3/2016).  Thomas Sanches

Facebook Comments

Leave a Reply

Your email address will not be published. Required fields are marked *