Atividade Banku Mandiri Lao Normal

Atividade Banku Mandiri Lao Normal

- in Economics
3658
0
BNU

DILI — Polemika konaba formasaun governu la fo impaktu ba  atividade iha banku sira nian rai laran. Maske tuir informasaun, banku balu hanesan Mandari hapara ona sira atividade relasiona ho politika iha rai laran. Maibe faktu terenu hatudu atvidade transaksi iha Mandiri kontinua lao diak hanesan bain – bain.

Ami sei la taka provizoriu atvidade banku, tanba atu taka loron ida oun rua maka tenke iha konkordansia ruma mai husi banku central, maibe too agora banku central laiha autorizasaun ruma atu taka sementara loron ida ou ruan, tanba nee atividade transaksi iha banku lao diak hanesan bain-bain,” dehan Manajer Operasional Banku Mandiri, Maju T. Manurung ba STL  Segunda (16/10/2017) iha nia knar fatin Banku Mandiri.

Nia informa banku sei la hapara ninia atividade tanba haree ba situasaun iha TL nee lao diak, no kontroladu hela,  tanba nee maka  atividade iha banku lao hanesan baibain,  kliente banku kontinua mai nafatin, no atividade nee sei la hapara kuandu laiha autorizasaun mai husi banku central TL (BCTL).

Iha parte seluk Vise Prezidente Camara Comersiu Industria TL, CCI-TL, Rui Castro dehan  haree ba situasaun rai laran lao diak hela, banku komersial sira neebe eziste iha rai laran kontinua  halao sira  nia atividade normal hanesan bain-bain.

Hau haree situasaun iha rai laran nee lao diak hela no laiha, alargamentu neebe ameasadu, ita nia estadu TL mos seidauk alerta ba nia povu katak situasaun TL iha ameasadu tanba nee, husu ba investor sira atu hakmatek ho imi nia atividade,” tenik Rui Castro.

Tuir obserbasaun STL iha terenu katak, atividade iha banku Mandiri lao diak no, kliente barak maka ba hatama no balun ba foti sira nia osan, tanba atividade iha banku lao normal hanesan bainbain. Madalena Horta/Sonia Ferreira

Facebook Comments

Leave a Reply

Your email address will not be published. Required fields are marked *