Atendimentu BNCTL RAEOA La Fo Satisfasaun

Atendimentu BNCTL RAEOA La Fo Satisfasaun

- in Distritu
725
0
BNCTLBuilding

AMBENO – Antendimentu Banku Nasional Comersiu Timor Leste (BNCTL) Sukursal RAEOA, Oecusse ladun fo safisfeitu ba klientes. Tanba hein loron tolu ona maibe seidauk simu salariu hodi prejudika tebes ba iha serbisu seluk.

Tuir Mario Muni Salu nuudar funsionariu iha RAEOA, sente preokupadu tebes ho sistema atendimentu husi funsionariu pessoal iha banku BNCTL Oecusse, tanba ninia atendimentu ladun profisional no failansu tebes kuandu selu pagamentu ba funsionarius sira. No, iha probelemas barak neebe mak husi BNCTL seidauk aselera durante observa mak hanesan.

Primeiru asesu ba internetlao ladun diak no lao kleur los, Segundu jestaun husi funsionariu husi banku ladun atende ho diak tanba tama tardi. Dalaruma klientes mai sedu funsionariu BNCTL seidauk mai no tuir orariu neebe mak estabelese iha banku neebe mak loke iha horas 9.00 OTL no taka tuku 2:00 lokraik OTL maibe realidade oin seluk sira loke tuku 10:00 OTL no taka mos lalais.

Kuandu sistema falla mak loron ida bele atende deit ema nain 10, entaun sira tenki maneja loron ida ba ema nain sanulu atu ema seluk neebe mak mai forma barak barak too lokraik atu simu osan maibe too ikus la jadi fila fali fali” dehan Muni, ba STL, iha banku BNCTL Oecusse, Kinta (07/09/2017).

Tanba nee, prejudika tebes ba funsionariu ninia tempu hodi lakon servisu hanesan professor, balun mai husi foho Oesilo, Passabe, Nitibe balun mai semana ida no rua ona mos seidauk simu salariu.

Nia hatutan, laos nee deit maibe mos pelayanan husi banku mos ladiak, tanba nee konsidera katak gasta tempu no husik hela alunus iha eskola deit atu mai simu osan maibe hetan fali problema nee.

Iha fatin hanesan Fransisco Ole nuudar professor ida husi subrejiaun Oesilo dehan atu simu deit osan hein no forma durante loron tolu ona seidauk foti osan no tenke hein tanba sistema mak la diak.

No, tanba direitu hakarak ka lakohi tenke hein no simu tiha osan mak halao fila fali dever. Maibe, sente triste tanba nuudar edukador abandona eskola iha tenpu badak nia laran liuliu hodi prejudika tebes ba iha prosesu aprendijajen estudantes sira nian.

Hau hanesan professor ida, hau mos hatene hau an katak atu hanorin estudante sira iha eskola no kuaze loron tolu ona la tama aula neebe bele impede prosesu aprendijajen iha futuru, maibe tamba ami nia direitu durante ami halao ami nia no knar hanesan professor agora fulan too ona ami mai atu foti ami nia direitu, maibe mai too iha nee sistema iha BNCTL ladun diak nee impede ona ami nia servisu,” dehan Fransisco.

Tanba nee, nia sujere ba tekniku sira iha BNCTL karik bele hadia sistema nee ho lalais no depois kona ATM karik sistema la diak nafatin entaun iha relasaun ho telemor karik bele monta ida tan iha timor telekom hodi bele mai asesu lalais, sei BNCTL la diak bele ba Timor Telekom.

Hatan ba preokupsaun nee Direitur BNCTL Sukursal Oecusse Salvador Gomes katak iha Oecusse foin maka estabelese sistema foun husi Sistema tuan nee rasik, tanba nee buka adapta neneik ho Sistema foun ho razaun nee dala ruma halo atendimentu atraza oituan liliu ba ema hirak neebe mak halo levantamentu ba BNCTL. Maibe, ba ema hirak neebe maka mai asesu ho ATM nee ladun difikulta tanba nee hirak neebe mak uza ATM sufsientes atu atende klientes sira.

Nia hatutan, atraza atendementu ba levantamentu falla ouituan hahu iha dia 4/9/2017 too dia 7/9/2017 tanba adapta hela ho sistema foun neebe sei lao neneik hela. Tanba nee, husu mos klientes sira nia pasensia no kooloborasaun atu bele fo satisfeitu ba ema hotu.

Ita persija duni sistema modernu tamba nee maka banku sei buka atu fo solusaun tanba ami esforsu bele atende kualker tipu transaksaun neebe maka banku estabelese iha BNCTL tamba nee maka ita atraza duni durante loron tolu duni, laos atraza gravamente nee lao so tarde atraza deit halo agravamentu ouituan,” dehan Salvador.

Nia hatutan, kona ba ATM barak mak seidauk loke ninia ATM no ATM nee foin mak adapta ho sistema foun neebe dadauk IT tekniku tenta hodi lao normal hodi lao iha horas ida ka rua maibe lao ladiak. Maibe, kuandu link nee diak sufisientemente bele atende klientes liu husi ATM hodi reduz preokupasaun klientes.

Relasiona ho rende internet laos problema telemor nian maibe depende ba situasaun natureza. Tanba nee,   hanesan bran manajer sukrsal Oecusse husu liu-liu pasiensia kliente sira atu aguente ouituan neebe mak muda Sistema tuan ba Sistema foun. Maske nunee, tenta atu buka resolve atu fo solusaun ba kestaun nee, ekipa IT mos esforsu atu hadia para atende ho lais liu-liu. Abilio Elo Nini

Facebook Comments

Leave a Reply

Your email address will not be published. Required fields are marked *