Atende Telefone Husi Kolega, Laen Hurlele Fen

Atende Telefone Husi Kolega, Laen Hurlele Fen

- in Nasional
568
0
Deskonfia

DILI- Tribunal Distrital Dili jugla arguidu ho inisial JS, tanba halo agresaun hasoru nia fen lezada ho inisial CA.

Tuir akuzasaun neebe tribunal lee sai husi Ministeriu Publiku katak, arguidu ho lezada hola malu iha tinan 2014 seidauk iha oan. Durante forma uma kain, arguidu sempre baku bebeik lezada.

Iha loron 20 fulan Dezembru 2016, iha Tasi Tolu lezada atu ba eskola hetan telefone husi nia kolega, maibe arguidu deskonfia katak lezada koalia ho mane seluk. Iha momentu neeba, arguidu ho lezada diskuti malu konaba telefone nee, la entende malu hodi hamosu problema, arguidu basa kedan dala ida iha lezada nia hasan.

Iha loron 10 fulan Junho 2017, tuku 9:00 kalan arguidu nia fen boot kontaktu ba arguidu katak, lezada tau ai moruk ba iha hahan hodi estraga arguidu, rona ida nee, arguidu baku kedan lezada.

Desde fulan Outubru 2016, arguidu baku lezada hanesan buti iha nia hasan no kakorok, lori ai bubur ida atu baku lezada maibe hetan atusaun husi lezada nia tian.

Ministeriu Publiku akuza arguidu hanesan autor ba krime maus-tratus ba konjuge ho violensia domestika neebe previstu no punidu tuir artigu 154 kodigu penal, no lei kontra violensia domestika iha no 07/2010.

Hatan ba akuzasaun nee, arguidu deklara katak, faktus balu loos, no balu lalos.

Iha sala julgamentu, lezada mos deklara katak, nia kolega mak telefone nia, laos mane seluk, nunee naton nia ba hato keiza iha Ministeriu Publiku, balu lalos tanba nia nervoju no keiza neebe hato balu loos, no balu lalos. Terezinha De Deus

Facebook Comments

Leave a Reply

Your email address will not be published. Required fields are marked *