Asuntu Remodelasaun Mericio” Ami Larona Informasaun”

Asuntu Remodelasaun Mericio” Ami Larona Informasaun”

- in Nasional
109
0
Profil Akara

DILI-VIII Governu Konstitusional neebe lideradu husi Primeiru Ministru Taur Matan Ruak,  agora nee fokus halao servisu, tanba nee sira laiha informasaun konaba asuntu remodelasaun.

Kestaun nee Sekertariu Estadu Komunikasaun Sosial Mericio Akara,  hodi responde konaba, informasaun neebe mak fo sai husi ajensia Lusa neebe hatete, Koligasaun AMP sei halao reniaun boot iha fulan Abril tinan 2019, ho objetivu  atu deside futuru governasaun AMP no posibilidade sei iha remodelasaun.

Sekertariu Estadu Komunikasaun Sosial Mericio hatete, Hanesan membru governu neebe mak liga ba asuntu Komunikasaun Sosial, neebe mak dala ruma iha tempu badak sempre iha komunikasaun ho  Primeiru Ministru Taur Matan Ruak, sira la rona informasaun ida konaba asuntu remodelasaun, tanba governu agora nia tempu atu konsentra no fokus halao nia servisu.

Ami larona informasaun konaba remodelasaun, tanba Ami simu deit orientasaun husi Primeiru Ministru Taur Matan Ruak atu fokus, no ejekuta programa neebe mak iha, neebe laiha diskusaun konaba remodelasaun ,” dehan SEKOMS Mericio ba STL, iha PN, Dili, Segunda ( 25/03/2019).

Governante nee haktuir tan katak, Karik ligasaun politika nee ketak ida, neebe mak dirasaun politika AMP mak iha responsabilidade, ba kestaun politika atu diskute politika ba oin oinsa.

Iha fatin hanesan Vise PPN Luis Roberto hatete ,” Informasaun ida nee ami seidauk asesu ba iha ida neeba, nee fila fali ba intermus bankada CNRT ninian, neebe ami KHUNTO seidauk asesu ba ida nee ,” dehan Vise PPN Luis.

Nia dehan, Se akontese remodelasaun nia (Red: Vise PPN Luis Roberto) fiar iha lina kordenasaun neebe mak diak entre partidu tolu nee atu tur hamutuk hodi deside, tanba VIII governu nee sosiu husi partidu tolu, maibe halai fila fali ba kompetensia PM ninian. Notisia kompletu lee iha jornal STL edisaun Tersa  (26/03/2019). Carme Ximenes

Komentariu

Facebook Comments

Leave a Reply

Your email address will not be published. Required fields are marked *