Asuntu Fronteira Maritima, PR Eleitu Defende Estadu TL

Asuntu Fronteira Maritima, PR Eleitu Defende Estadu TL

- in Nasional
1350
0
Lu Olo

DILI – Prezidente Republika eleitu Francisco Guterres Lu-Olo hateten, nia parte defende nafatin posizaun Estadu Timor Leste ba iha asuntu fonteira maritime ho Governu Australia.

Postura politikamente konaba fronteira maritima ho Australia, hau sei kontinua hamutuk nafatin ho hau nia Estadu da Republika Demokratiku de Timor Leste, hodi defende posizaun estadu TL nian ba iha asuntu ida nee,” dehan PR eleitu Lu-Olo, ba jornalista sira iha CCF, Comoro, Dili, Kuarta (05/04/2017).

Dalan para atu ba resolve asuntu ida nee, tuir PR elitu Lu-Olo katak, Iha ona Xanana Gusmao, neebe hanesan negosiador principal, neebe klaru ke dalan iha hela para atu resolve problema. Portantu ultima informasaun neebe iha Australia disponibel ona mesmu ate grupu Parlamentar Australia nian foin sira maka deklara, katak tenke resolve fronteira definitive ho Timor Leste.

Iha parte ketak Diretur Interinu Luta Hamutuk Jose Alves da Costa hatete, Timor Leste tenke apresia no agradese ba komite Parlamentar Autralia tamba iha inisiativa neebe diak. Nia hatete Timor leste ho Autralia presiZa konsolida solusaun nunee ida-idak bele hetan rikusoin neebe partenese ba nasaun nian tuir lei estandar internasional.

Entretantu membru PN husi bankada CNRT Jacinto Viegas hatete, Durante tinan naruk Timor leste ezije nia direitu hodi halo negosiasaun ho fronteira maritime, tan nee Pozisaun neebe Parlamentu Australia foti hanesan oportunidade diak ba Timor Leste bele halao prosesu negosiasaun ba fronteira marima, dehan deputadu Jacinto. Carme Ximenes

Komentariu

Facebook Comments

Leave a Reply

Your email address will not be published. Required fields are marked *