Assanami: PD-CNRT Nunka Husik Malu

Assanami: PD-CNRT Nunka Husik Malu

- in Distritu
822
0
Assanami

LAUTEM–Prezidente PD, Eng. Mariano Assanami Sabino iha nia kampania ba dala 22, iha Suku Moru (Parlamentu), Postu Admistrativu Lautem, hateten katak PD no CNRT nunka husik malu tamba maun Lasama, Xanana no nia (red- Assanami) mak tuur hamutuk hodi harii Partidu CNRT.

Hau dehan ba Lautem oan sira iha Timor Leste alertamente CNRT no PD nunka husik malu tamba hari PD mak hari CNRT, hau, Lasama ho maun Xanana mak tuur koalia hodi hamutuk hodi hari CNRT. Tamba sa, tamba koflitu iha Fretelin la bele dada mai iha PD, razaun mak ida nee konflitu neebe mak Fretelin Mudansa iha hodi soke malu iha kongresu hodi fera ba rua no la bele mai iha PD,” dehan Assanami, Tersa (11/7/2017).

Nia dehan, PD nudar kontinuador Fretilin nian. I Fretelin mak deklara katak nasaun nee republika demokratika, tamba nee atu realiza nasaun neebe mak demokratiku laos ho asosiasaun no laos ho kongresu maibe ho Partidu Demokratiku neebe mak mai ho nia vizaun demokratiku atu transforma povu sai povu demokratiku, joven sira sai juventude demokratiku, feto sira sai feto demokratiku , buibere sira sai bubere demokratiku, kultura sira mos sai kultura demokratiku hodi ukun sai lisan ba moris nee mak hafoin nasaun demokratiku.

Tamba nee, PD lao seluk ida maibe PD nee kontinuador, iha PD nia isin lolon isin maubere no klamar maubere. PD demokratiku ema hotu nian liliu husi ferik no katuas neebe mak hari iha 2001 maibe iha lubuk ida neebe mak iha Moru kesi bandeira iha sira nia isin lolon no sira neebe mak 17 anos partidu demokratiku imi jerasaun foun,” dehan Assanami.

Eis Ministru Agrikultura no Pescas nee mos hatutan, nasaun ida nee nasaun demokratiku laos nasaun monarkia ka kerajaan. Tamba nee, PD nia hakarak lakohi nasaun nee grupu no partidu ida nian hodi halo diskrimisaun ba funsionalriu, la bele halo diskriminasaun ba PNTL no F-FDTl tamba sira serbidor.

Nunee mos, tuir komisariu Politiku PD Munispiu Lospalos, Julio Canto katak partidu Demokratiku partidu jerasaun foun nian tamba partidu  PD partidu ida neebe mak kontinuador husi partidu CNRT no Fretelin. Tamba nee, Partidu PD mak sei hatutan prinsipiu lutador neebe mak lutador sira halo iha ahi laran. Tamba nee, mak PD moris iha 2001 hakarak hatutan luta ida nee liliu ba moris diak povu Timor Leste. Domingos da Piedade Freitas

 

Facebook Comments

Leave a Reply

Your email address will not be published. Required fields are marked *