Asina Paktu Unidade Nasional Parpol Tenke Tau Pratika

Asina Paktu Unidade Nasional Parpol Tenke Tau Pratika

- in Politics
1375
0
Partidu

DILI – Asinatura paktu unidade nasional neebe mak Partidu Politik (Parpol) sira halo iha loron hirak liu ba, Sosiedade akademika husu partidu sira tenke kumpri no tau iha pratika.

Tuir Observador Politika-UNTL, Camilio Ximenes Almeida katak, hanesan akademika hanoin katak asina paktu unidade nasional nee hanesan meius ida atu regula partidu hotu obedese.

Hau hanoin partidu sira neebe halo ona asinatura ka akoordu paktu unidade nasional ida nee prezisa tenke respeita regras neebe mak estabelese,” dehan Camilio ba STL iha nia knar fatin Kampus Lama-UNTL, Caicoli-Dili, Segunda (12/06/2017).

Camilio haktuir, asinatura paktu undiade nasional neebe partidu sira asina ona nee, laiha partidu ida atu kontra, tanba paktu ida nee iha regras, buat ida neebe mak asina nee labele kontra, se kontra signifika tafui tiha kaben ita ba lambe fali.

Camilio sujere, maibe ida nee presiza halo kontrolu ida diak, liliu partidu politik sira halo servisu ida diak hodi nunee labele kria konflitu iha ita nia rain.

Iha fatin ketak, Sekretariu jeral Partidu UNDERTIM, Francisco Manu Bui dehan, asinatura paktu unidade nasional neebe mak partidu politiku sira hotu halo ona nee importante tebes atu bele garante estabilidade. Raimundo S. Fraga

Facebook Comments

Leave a Reply

Your email address will not be published. Required fields are marked *