Asidente Trafiku Komesa Redus

Asidente Trafiku Komesa Redus

- in Politics
233
0
asidente-trafiku

DILI—Asidentes neebe akontese iha Fulan Agustu 2017 liu ba ho nia total 165 kazu  husi kazu sira nee redus ba 19 resin, tanba komunidades hatene ona regras tranzitu espera katak sei redus tan iha fulan oin mai.

Lia-hirak nee hatoo husi Komadante Jeral Polisia Nasional Timor-Leste (PNTL) Komissariu Polisia, Julio Hornay ba jornalista sira hafoin remata inkontru ho Prezidente Republika Francisco Guterres Lu-Olo iha Palasiu Prezidente Bairru-Pite Kinta, (21/9/2017).

Nia hatutan tan katak alende situasaun injeral neebe lao hakmatek durante nee. Polisia Unidade Tranzitu (Poltraz) mos hatudu sira nia servisu diak iha terenu hamutuk ho komunidade sira. Tanba nee iha esperansa katak ba oin sei bele iha mudansa nafatin kona ba kazu asidente trfiku.

Komissario mos hateten, liu husi sorumutu ho Prezidente da Republika, Prezidente Francisco Guterres Lu-Olo mos dehan, nia sente apresia teb-tebes ho servisu PNTL durante prosesu kampanha eleitoral mai too iha formasaun governu.

Parte seluk mos servisu diak polisia nia iha terenu tanba instituisaun PNTL no Instituisaun Falintil Forsa Defeza Timor Leste (F-FDTL) sempre koopera hamutuk hodi asegura seguransa.

 Tanba nee, prezidente republika husu ba instituisaun rua nee atu halao knar diak nafatin atu hametin estabilidade no paz iha Timor- Leste nia laran tomak.

Kona-ba problema baku malu entre oknum Polisia Nasional Timor Leste (PNTL) no Oknum Falintil Forsa Defeza Timor Leste (F-FDTL) neebe baku malu iha areia Fatuhada Dili foin lais nee, komisariu resposta katak kazu nee akontese duni maibe parte Polisia Militar no parte PNTL sei halo hela investigasaun.

“Ami hasoru Prezidente Republika atu informa situasaun injeral iha rai laran, neebe lao hakmatek. Inklui mos kazu asidentes neebe akontese iha Fulan Agustu 2017 liu ba ho nia total 165 ital,”katak Julio. Justinho Manuel

Facebook Comments

Leave a Reply

Your email address will not be published. Required fields are marked *