Asidente Trafiku Balide, Ida Mate

Asidente Trafiku Balide, Ida Mate

- in Metro, Nasional
126
0
IMG-20191216-WA0006

DILI- Iha segunda dader tuku 5:30 otl, mosu asidente trafiku iha Balide Raihun, entre kareta hilux wagon ho numeru matrikula A 10-126 no kareta tula kontainer ho numeru matrikula 58-120. Iha akontesimentu nee rezulta ema ida mate fatin no ida kanek todan.

Vitima neebe mate husi kareta hilux wagon ho numeru matrikula A 10-126, ho naran Vasco da Costa dos  Santos ho idade 17 anos no ida ho kondisaun kanek todan Remizio Guterres Nunes.

Iha intervista Komandante PNTL Munispiu Dili, Superentendente Xefe, Armando Monteiru ba jornalista sira hateten, iha segunda dader nee iha tuku 5:30 otl  mosu asidente trafiku ida iha rua estrada Balide.

Haktuir nia ba jornalista sira iha Komandu Munisipiu Dili, Kaikoli, Segunda (16/12/2019).

Nia dehan, momentu akontese kareta wagon neebe soke tronton nee diresaun husi Balide tun mai besik iha loza xina nian, besik eskola sekundario 4 de setembru, no  koko atu ultrapasa viatura seluk no la kontrolu kareta nee entaun soke tronton neebe para hela iha estrada area Balide nian.

Ho akontesimentu ida nee rezulta vitima ida grave, no dadaun nee sei  baixa hela iha Ospita Nasional Guidu Valadares no ida mate fatin no evakua kedas ba iha mortuariu HNGV, nia esplika.

Armando hateten, motorista neebe lori kareta tronton nee dadaun nee asegura ona iha Komandu Polisia Munispiu Dili hodi submete ba prosesu investigasaun.

Ho akontesimentu nee, dadaun  seksaun tranzitu iha ona lokal akontesimentu hodi halo konstrusaun ba asidente nee, no evakua mos evidensia sira mai iha Komandu Distrital Dili.

Tan nee sei finaliza nia prosesu no aprezenta ba ministeriu publiku, hodi hein orientasaun ba prosesu tuir mai, hatete Armando

Tuir Motorista Tronton, Anacleto Ribeiru hatete, nia husi Baucau mai Dili tula ho oan nain rua atu mai hatun iha Balide. Too iha Balide Raihun besik loza xineza nia oin besik ba iha eskola sekundariu 4 Setembru, nia para kareta iha parte liman karuk no tun husi kareta laran atu kontaktu ba labarik nain rua neebe sira tula ho nia inan mak derpenti kareta ida mai soke husi kotuk.

“Hau atan tun husi kareta atu telefone ba iha labarik sira nia inan, derpenti tarutu tiha husi kareta kotuk mak hau atan haree fali,” dehan motorista nee. ESTI 01

 

Komentariu

Facebook Comments

Leave a Reply

Your email address will not be published. Required fields are marked *