Asesor sein Meritu Kolega Politiku

Asesor sein Meritu Kolega Politiku

- in Notisias Online
48
0
c69f08e781e1d63ea1602bb78748fcd0_w340_h250_cp

DILI-Asesores neebe barak hodi fo todan ba Orsamentu Jeral estadu,   laos ema neebe ho meritu, maibe balu bolu malu  tanba kolega ka kor politiku.

Hau koalia tanba, kolega lubuk ida asesor iha neeba  uluk sira  iha sosiedade sivil, ami konese malu, sira ba asesor iha neeba ita haree katak, nee laos asesor ida ho meritu, maibe asesor ida neebe tanba, ita menan partidu depois ami mos tenke sai asesor,Diretur Ezekutivu Fongtil, Daniel Santos do Carmo, ba jornalista sira iha nia knar fatin Caicoli, Kinta (21/11/2019).

Nia hatutan neeba manan salariu boot, asesor sira prinsipais sira neebe fo apoiu ba servisu Ministru, Prezidente Republika no instituisaun estadu nian atu funsiona ho diak. Maibe asesor barak afeta  makas ba orsamentu jeral estadu, nia implikasaun mak orsamentu bens servisu boot.

Tanba asesor sira produs rejultadu, maibe gasta osan selu asesor barak, maka tinan tinan nia rejultadu nafatin deit, asesores  barak halo saida,tenik nia

Daniel preokupa ho asesor sira nia kapasidade  meritu atu fo advise ba governu no instituisaun estadu sira hotu.

Nia afirma governasaun ida efetivu, kuandu asesor uitoan deit,  tanba bainhira koalia efetividade no efisiensia rekursu iha implementasaun atu atinji rezultadu, tanba nee tenke redus numeru asesor neebe afeta makas ba orsamentu estadu.

Nia kauza ba estadu maka osan hotu lalais husi fundu minarai, laiha rezerva atu garante osan  bele tama fali mai, tanba diversifikasaun ekonomia iha rai laran seidauk bele garante atu fo retornu ba estadu,argumenta Daniel.

Antes nee Deputadu Fabiao de Olveria husi bankada Fretilin dehan, Fretilin kestiona wainhira haree asesor neebe barak tebes iha Ministeiru sira.

Nia hatutan  asesor neebe prinsipal tenke merito iha area tekniku oin oin nian, maibe iha barak iha ministeriu sira atu halo servisu saida,  haree ba ezekusaun orsamentu tinan 2019  foin  atinji 60% liu, no  bele ezekuta too 100% iha fin Dezembru, nee duvidas.

Deputadu Fretilin nee husu governu atu redus asesores kada  Ministeiru no nimimal iha ministeriu uza asesor nain 5 ka 6, labele bar barak hodi fo todan ba orsamentu jeral estadu. “Asesor ba iha area legal nian ho teknik  nee importante,  sira seluk fo ba diresaun sira neebe maka iha kapasidade,” tenik Fabiao.

Nia konsidera diresaun sira iha kapasidade, hanesan Obras Publik no Ministeru sira seluk iha kapasidade atu dezenvolve deit sira iha kapasidade tekniku, kapasidade intelektual rekursus humanus nian hodi bele halo servisu neebe diak tuir kompromisiu politika neebe sira hato iha tempu kampana.

Nunee mos   Kordenador AJAR Jose Luis husu governu atu redus numeru asesor tanba, Timor Leste la presiza asesor barak hodi monta iha ministeriu tanba, ministru neebe nomeadu ba pasta ida  tenke iha kapasidade atu jere ministeriu neebe nia preside,  laos hili ema arbiru iha neeba.

Ita atu lori nasaun no  instituisaun sira nee ba oin, governa ninia asesor barak ida hanesan, too hiit surtahan deit mos sai asesor hotu,tenik Jose Luis.

Nia husu atu tau kriteria  ba ema neebe atu  sai asesor, tenke iha regras asesor,  asesor tenke iha graun senor no junior nunee mak bele redus gasta orsamentu ba asesor neebe laiha kualifikasaun.

Diretur Ajar nee hatutan Primeru Ministru fahe oportunidade hanesan ho sintidu laos fahe oportunidade ba asesor sira, fahe riku soi hanesan no fo oportunidade hanesan ba ema hotu hotu i ba povu ida nee atu hadia dezenvolvimentu iha rai laran hanesan edukasaun, saude, infrestrutura, turismu sira nee maka governu tenke tau prioridade.ESTI 03

 

 

Komentariu

Facebook Comments

Leave a Reply

Your email address will not be published. Required fields are marked *