Asembleia Jeral ONU Aprova Estatutu Observador g7+

Asembleia Jeral ONU Aprova Estatutu Observador g7+

- in International
114
0
images (4)

DILI-Asembleia Jeral Nasoens Unidas (ONU adopta ona rezolusaun kona ba Estatutu Observador ba g7+ iha Nasoens Unidas iha 18 Dezembru 2019 iha Nova Yorke. “Ida ne’e pasu istoriku ida iha g7+ nian perkursu durante tinan 10,” hakerek iha komunikadu da imprensa g7+ nian ne’ebe  STL  simu iha  Kinta (19/12/2019).

Iha komunikadu imprensa nee, hatete katak g7+ deside atu aplika ba estatutu observador iha Enkontru Ministerial ba dala 5 iha fulan Junhu 2019 iha Lisboa, Portugal. Depois de enkontru ne’e, Misaun Permanente Sierra Leone iha Nasoens Unidas reprezenta membru g7+ hato’o pedidu ba Sekretariu Jeral Nasoens Unidas hodi husu konsiderasaun atu inklui iha ajenda sesaun 74 ba  Asembleia Jeral.

Sekretariadu g7+ servisu hamutuk ho Misaun Permanente Sierra Leone, Timor-Leste no membru seluk iha Nova Yorke durante fulan Outobru 2019 atu mobiliza suporta ba rezolusaun ne’e, tenik komunikadu imprensa nee.

Desizaun Asembleia Jeral 49/426 iha loron 9 Dezembru 1994, kona ba oferece estatutu observador iha asembleia Jeral .

ba Estado no ba organizasaun inter-governamental nebe maka ho aktividade kabe ba iha interese Asembleia nian,.

Ne’e duni, hetan estatutu observador ne’e, manifesta katak g7+ nudar organizasaun inter-governamental nebe importante tebes. Membru Nasoens Unidas durante konsulta iha fulan Setembru no Outubru 2019, hatudu ona indikasaun positivu atu fo suporta.

Ho Estatutu Observador iha Nasoens Unidas, g7+ iha meios hodi bele hato’o perspektiva koletiva iha ajenda no servisu UN nian, liu-liu kona ba hari no sustenta paz no seguransa, hadia servisu forsa manutesaun paz nian, no implementasasun Ajenda 2030. Grupu g7+ sei hetan benefisiu liu husi servisu hamutuk ho Nasoens Unidas no ninia  Ajensia sira iha esforsu para bele atinji paz no estabilidade ba longu praju.

Sekretariadu g7+ hato’o agradeseimentu boot ba lideransa husi nasaun Sierra Leone nebe lidera g7+, Timor-Leste nudar uma nain ba g7+ ,  no membru nasaun g7+ ba sira nia suporta, no nasaun nebe laos membru g7+ ba sira nian kolaborasaun no supporta ba rezolusaun g7+ nian hodi sai Observador iha ONU.

Organizasaun intergovernamentál g7+, ne’ebé harii iha tinan 2010, husi inisiativa Timor-Leste nian, foufoun nasaun hitu maka harii, no oras ne’e kompostu husi nasaun 20 husi Áfrika, Ázia-Pasífiku, Karaíbas no Médiu Oriente: Afeganistaun, Burundi, Xade, Komores, Kosta Marfín, Giné, Giné-Bisau, Haiti, Iemen, Illa Salomaun, Libéria, Papua Nova Giné, Repúblika Sentru-Afrikana, Repúblika Demokrátika Kongu, Saun Tomé no Prínsipe, Serra Leoa, Somália, Sudaun Súl, Timor-Leste no Togo. Totál populasaun husi nasaun sira ne’ebé forma organizasaun g7+ hamutuk ema millaun rihun 1,5.

Lider espesial hanesan mos pessoa eminente g7+, Kay Rala Xanana Gusmao iha  enkontru-enkontru  interministerial  fo hanoin ba partisipante sira  atu hapara konflitu iha nasaun frajil sira no focus deit ba aspetu  dezenvolvimentu.

Pessoa eminente nee husu ba nasaun frajil sira atu hapara konflitu  no hakat ba dezenvolvimentu, tan biar rai kiik no kiak, maibe moris ho dignidade iha neebe dezenvolve nasaun no povu mak importante liu.

Organizasaun g7+ iha nia motto  katak haluha tiha konflitu no bemvindu ba dezenvolvimentu, signifika husi motto nee rasik  motiva no fanun nasaun ida-idak, hodi harii paz no unidade, nunee bele hapara esplorador sira laiha honestu  neebe sempre invade direitu nasaun kiik sira liu husi esplorasaun rekursu naturais neebe mak iha. Mikael Mali Mau

 

Komentariu

Facebook Comments

Leave a Reply

Your email address will not be published. Required fields are marked *