Asegura Rezultadu Eleisaun Prezidensial, RENETIL Hatun Observador 49

Asegura Rezultadu Eleisaun Prezidensial, RENETIL Hatun Observador 49

- in Metro
364
0

DILI-Atu asegura rezultadu Eleisaun Prezidensial (Elpres) loron 20 Marsu 2017, Resistencia Nacional dos Estudantes Timor Leste (RENETIL) hatun observador nasional hamutuk 49 iha teritoria Timor Leste.

Tuir Vise Sekretariu Jeral RENETIL, Arsenio da Silva Pereira “Lavera” hatete, papel RENETIL nunka hotu desde 1988 too ohin loron, hola knar iha kualker situasaun, kualker tempu, kualker dezenvolvimentu.

Hanesan observador tenke hatur knar hanesan observador, mesmu iha direitu siviku ba vota maibe, hatudu hanesan observador akredita husi STAE,” dehan Vise Sekretariu Jeral RENETIL, Lavera liu husi diskursu iha sede RENETIL, Farol-Dili, Sabadu (18/03/2017).

Lavera haktuir, hanesan kontinuador RENETILI nian hola papel ida hanesan halo observasaun ba eleisaun prezidensial nee importante tebes hodi haree no observa saida mak akontese.

Iha fatin hanesan, Prezidente Comite Central RENETIL (CCR), Jose A.M.X alias Siale dehan, wainhira hetan kartaun observador husi RENETIL nian neebe akredita husi STAE ita boot sira livre atu asesu iha sentru votasaun.

Entertantu, Responsavel Observador husi RENETIL, Jose da Silva “Labaruk” afirma, observador sira nee husi RENETIL hamutuk 49 no sira nee sei kobre teritoria Timor Leste laran tomak. Raimundo S. Fraga

 

Facebook Comments

Leave a Reply

Your email address will not be published. Required fields are marked *