Asegura Kampana Elpar, PNTL Hatudu Kapasidade Diak

Asegura Kampana Elpar, PNTL Hatudu Kapasidade Diak

- in Politics
1070
0
PNTLll

DILI-Duarante kampana Eleisaun Parlamentar (Elpar) lao besik fulan ida ona, (PNTL) Polisia Nasional Timor-Leste hatudu sira nia kapasidade diak tebes, tanba iha responsabilidade hodi asegura kampana nee ho diak.

Tuir Deputadu Bankada CNRT Cesar Valente hatete, nia rona ona delegadu sira husi CNE nia aprezentasaun iha radio no tv kona ba situasaun kampana neebe mak hahu komesa iha dia 20 de Junnu too agora seidauk rezistu iregularidade neebe mak serius.

Durante nee ita kestiona servisu polisia sira nian, neebe asumi knar ou servisu ladun los, maibe realidade iha kampana eleisaun parlamentar ida nee sira asumi knaar ho responsabilidade tebes,” katak Deputadu Cesar ba STL liu husi via telefone Kuarta (12/07/2017).

Nia hatete, maske mosu kazu ida kontese iha Munisipiu Viqueque, maibe husi parte polisia nia ba halo atuasaun pontual tebes ida nee hatudu katak polisia sira nia kapasidade atu asumi knaar neebe mak tuir konstituisaun fo ba sira ho responsabilidade.

Entretantu Deputadu Bankada CNRT Arao Noe hatete, garante katak situasaun sira nee lao sei diak nafatin, tanba parpol sira hotu antes nee atu ba kampana sira asina paktu hamutuk, neebe fiar katak too kampana hotu, too loron votasaun situasaun bele lao normal nafatin, tanba povu sira mos agora dadaun hakarak moris hakmatek. Guilhermina Franco / Jacinta Sequeira

Facebook Comments

Leave a Reply

Your email address will not be published. Required fields are marked *