Asanami:  Nasaun Labele Monu Situasaun Difisil

Asanami:  Nasaun Labele Monu Situasaun Difisil

- in Politics
54
0
download (33)

DILI– Orsamentu Jeral Estadu (OJE) tinan 2020, neebe aprezenta husi VIII governu lapasa signifika krize ekonomia kontinua, tanba nee deputadu Asanami husu lider sira solusiona atu labele husik nasaun monu ba situasaun difisil.

Kestaun nee hatoo husi Deputadu PD Mariano Asanami ba Jornalista Segunda (20/01/2020) iha Parlamentu Nasional.

PD husu atu maun sira bele buka malu liu husi dalan hotu atu nunee labele husik hela nasaun nee iha sitasaun difisil tanba ita haree kampu servisu laiha, joven barak buka servisu iha ema nia rain, ita nia ekonomia rai laran lao ladiak, empreza barak taka ona, tanba nee ita labele husik nasaun lao iha inserteza nia laran, katak Deputadu Asanami.

Nia dehan, Timor-Leste nudar nasaun neebe mak opta sistema multi partidaria, semi-prezidensial konsekuensia ida nee parte ida mos atu hametin tan sistema, neebe labele laran taridu, maibe responsabilidade ba politiku sira lider sira tenke boot, liu atu nunee haree ba votus neebe mak povu fo nee iha prinsipiu ba estadu tanba nee lidera nasaun frajil, maibe labele hatudu sistema frajil.

Politika  nain sira tenke buka malu, koalia ba malu, maibe alternativu seluk mak PR tenke aktiva tanba nia mak garante instituisaun, garante dialogu ba  malu hodi buka alternativu diak ba rai.

Entretantu Xefe Bankada Fretilin Aniceto Guterres antes nee hatete,  agora dadaun ba politiku nain sira tenke konsistente i tenke  prontu simu konsekuensia, maibe tenke buka mos dalan fo solusaun ba problema sosial ekonomia nian neebe mak Timor hasoru.

Ita iha esperensia moris ho duo-desimu, maibe nee afeta ba vida ekonomia rai laran, tanba nee lideransa no politiku nain sira tenke buka solusaun, hatete Aniceto.

Entretantu observasaun jornalista haree katak,oras nee dadaun Timor-Leste hasoru hela krize ekonomia, tanba impase politika hahu lao husi 2017 too 2020, halo ekonomia lao ladiak : hanesan povu kiik sira nia sasan lafolin, investimentu laiha, kompania Barak taka tuir dadaus Server, kompania barak mos hapara sira trabaladores, tanba deit krize ekonomia rezulta sirkulasaun osan lao iha rai laran ladiak.* Guilhermina Franco /  Jeniche

Komentariu

Facebook Comments

Leave a Reply

Your email address will not be published. Required fields are marked *