Arsenio Husu Ajuda PDHJ, Haree Problema Funsionariu Iha RAEOA

Arsenio Husu Ajuda PDHJ, Haree Problema Funsionariu Iha RAEOA

- in Distritu
118
0
BANO

AMBENO-Substitui Prezidenti Autoridade RAEOA, Arsenio Paixao Bano husu ajuda PDHJ haree problemas funsionariu publiku iha Oecusse. Iha problemas barak.

Kestaun nee Bano hatoo iha ninia diskursu bainhira simu Direktur PDHJ Oecusse foun, Paulo Ribeiro iha Edifisiu PDHJ Oecusse, iha Bairo Santa Rosa, Suku Costa, Sub Rejiuan Pante Makasar, Tersa (10/10/2017).

Problemas barak nee, nia dehan, konaba profesores servisu la masimu, servisu laiha disiplina ligadu ho governasaun. Atu rezolve mentalidade funsionariu hanesan nee, Bano husu ajuda PDHJ atu konesementu klean ba funsionariu publiku, liliu iha Oecusse.

Hau hasoru problemas barak ho funsionariu sira. Sira servisu la masimu, laiha disiplina, no problemas oioin ligadu ho governasaun. Hau hanoin, kolega provedoria sira bele ajuda haree problema ida nee,” hateten Bano.

Nia husu PDHJ atu tulun funsionariu sira iha neba, para komprende sira nia knar nudar servidor estadu. Nunee hodi reforsa governasaun.

Hau hakarak ema servisu iha oras 08:30 OTL, kuandu oras servisu mobile labele mate. Kuando loron Sabadu no Domingo,  se bele servisu, ya servisu. Dalaruma hau nia maluk sira lapor hau, hau atu dehan  saida. Hau tenki hakaas. Karik hau sala, hau prontu ba hatan mais laiha opsaun. Nasaun nee tenki lao oin. Nudar funsionariu publiku, hot-hotu iha responsabilidade individual ou kolektivu ba vida nasaun,” hateten Arsenio.

Foin lalais nee, RAEOA adia nomeasaun kargu xefias ba direktores no xefe departementus ba fulan ida. Mos koalia membrus autoridade atu hatutan tan fulan 6. Lei fo biban ba fulan 6 too tinan ida. Fulan 6 nee, hodi haree fila fali se lakunas regras prosedimentus ba kargu xefias ba direktur sira, ba kompetensias klaras. Kada seksaun departementus unidades nomos secretario rejional, kompetensia sira nee  halo hela. Nia espera, iha fulan ida rua hotu ona, atu nunee xefe departementu, no xefe seksaun bele hatene. Alende nee, koalia mos konaba hasae eskalasoens sira, grau sira. Buat sira nee tenke lao tuir dalan.

Tanba nee, Bano husu ba funsionariu sira tenki kumpri oras servisu. “Ba oin, hau atu haree ema tama servisu tuku 08:30 ka lae, sai servisu tuku 05:30 ka lae. Nia merese atu sai xefe departementu ou direktur ka lae, merese atu nafatin ka lae, tenki troka ka lae”.

Se maka la servi iha Oecusse, haruka ba aprende iha rai boot hodi aprende no buka experiensia.

Hau hakarak haree ema Oecusse servisu ba nia rain ho disiplina. Servisu tama ho oras, sai mos ho oras. Nia halo duni nia servisu ka lae. Labele kritika barak liu duke servisu, labele halo politika barak liu duke halao servisu. Halo politika, sim, tamba politika estadu halo para itaimplementa politika ba ida-idak nian aan. Hau nia funsionario sira  dalaruma halo politika hasoru autoridade, entaun ami hakaas uit oan para lapor iha PDHJ ho rajaun, muda ami ka transferensia ami tamba ami halo politika hasoru sira, ou ami halo kritika sira, estatutu funsaun publika hatete dehan tenki iha lealidade tenki iha efisiensia tenki halo servisu tenki halo produktividade, lealidade laiha ita atu halo oinsa, lealidade ba autoridade lealidade ba estadu, autoridade halo sala iha nia dalan mai lapor ba provedoria maibe iha mos dalan seluk ba funsaun publika”.

Bano dehan tan, “Hau nia  direktur eduksaun nee tenki selu multaba sira neebe mak falta, latam servisu komo ami karik lahatene defende an didiak entaun ami tenki selu, mais ema nee falta latam servisu, entaun ita atu halo oinsa, mais los duni, instituisaun estadu hot-hotu servisu hamutuk para halo rai nee sai diak liu para iha estadu direitu demokratiku halo servisu ba dezenvolvimentu halo servisu ba rai nee atu sai diak ita laiha opsaun, ita boot sira bele lori nee mea politik ema fretilin  hare deit nai ema sira, maibe hau ema ida deitatu rai nee sai diak nee tenki iha responsabilidade kolektiva ema hot-hotu partidu A ka Partidu B ninian Hot-hotu tenki servisu, idak-idak tenki halao nia knar, funsionario halao nia knar hau halao haun nia knar, ou hau lahalo ita lahalo”.

Hatan preokupasaun PA RAEOA nee, PDHJ Silveiro Pinto Baptista hateten, PDHJ sei kordena ho parseru atu fasilita no hasae konhesiemntu boa governasaun ba funsionario sira iha Oecusse tamba keixa neebe sira simu, barak informasaun falsu.

PDHJ nakloke ba sei deit I hau promete ba katak hau sei hamutuk ho parseru  seluk hodi halo imi nia informasun nee ohin informasaun presidenti ninian nee ida nee preokupasaun autoridade ninian nee preokupasaun hau nian mos, tamba nia intensaun nee ba ita hotu para lori estadu nee ba oin, estadu nee ita kolia nia organizasaun mas ita kolia estadu nee ita kolia mos ba povu,” nia dehan.

Kestaun neebe Prezidenti Autoridade RAEOA foti nee, dalaruma falta de informasaun, falta konhesimentu ho kargu xefia sira, funsionario sira. Dalaruma keixa neebe hatoo ba PDHJ, balu tanba lagosta malu.

“Keixa barak hau refere fali ba instituisaun idak-idak tamba hau konsidera katak kada ministerio iha nia politika interna sei ita kolai dehan boaguvernasaun nee lao diak  hau mak tenki respeita ita boot sira nia mekanismu  politika internal  ninian, hau mos latolera funsionario sira neebe lakonsidera autoridade nee labele,   I hau sei lori informasaun husi Presidenti ohin kolia nee ba aami nia parseru sira atu hasae konhesimentu funsionario sira hotu iha area  boa guvernasaun nomos area diretus humanus nomos area kombate korupsaun  I area funsaun publika ninian”. Abilio Elo Nini

Facebook Comments

Leave a Reply

Your email address will not be published. Required fields are marked *